25/08 Goe weer ,veul wind en veul gazellekes en kadeekes
Eest en veural,der zen drai nief bijgekomen één gazelleke en 2 manskerels
Ze stonde der wa schuchter bij, moar da was rap over!
Kem gevraagd wa da ze al allemol hadde gedoan en da klonk veelbelovend,dus 'tware geen beginnelinge,'kzou het sofort wete sé
Ze mochte meedoen mé den hoop en da kunde da direct zien of da as da ze mij fabeltjes vertele of ni.
Na hadde ze sjance,'tis een rustweek,moar da wil ni zegge da ze 100m op hunne rug moete ligge nee nee lope verdo.......e
'twas een 1000/800/400/200/100 in achtervolging,behalve de 100 hebbekik een starttrainingske gegeven.
Nà moetekik toegeve die nief sloebbers hebbe da ni slecht gedaan,zelfs goe, allée mé ander woorde ben content
Dander natuurlijk stonde allemol wa wild ze wouwe der direct on beginne de deugenieten.
Onze soldaat Jonathan verdorie was super snel me onzen Herwig altijd keurt op zen hiele, natuurlijk was de motivatie, da as da ze dander veur hun zaage lope,mor kerels en gazellekes as Tinne,Nelly,Hilde,Linda ( nief gazelleke )Bruno,Richard,Dirk h,Coi,Ludo en de nief manskerels Tom en Serge die pakte zo mor ni der moete en das veur allemol wel diep in a kaske veur goan en dander loere ook nor die veur hun.
Mé deze welgekome on de nief en we zulle der wark van moake sé da as da ze snel verbetering goan vuulle en da as da ze zich rap in de groep thuisvuule.Mor wa kik gezien hebbe van hun,goe zeer goe en tzen ook deurdauwerkes alledrai!
Nà wilt da natuurlijk lukke den trainer go een week op verlof ( wa aigenlak ni mag,a moet a bij zen kadeekes en gazellekes blijve ) mor ja de mens hé zen aige een 1000 jaar geleje geengageerd me zen madame en soms moet tem natuurlijk ook de kerk in t midde auwe den auwe
On nen trainer mé twee blau ketten hedde niks en da stoat ook ni neffe de pist.
Mor a hé belooft veur iedereen een beetje zand van strand in Portugal mee te brengen,kweste van zijne goede wil en zen spijt te betuige da as da tem zen sloebers allemol alleen loat.