29/06/10 Nen nieven manskerel komt onze rangen verstarke.
John zo heet tem veur de vriende en Johnneke veur de gazellekes.
Oep het  program stond 800derden 400derden en 200derden,, mor 'twas zeer warm.
Na moete wete da we nog geen paar weke geleeje, nog ont mekkere ware da de pist besneed en beijzeld was en da we ni deftig konde traine.
Dus mijn kadeekes en kadeeinne liepe.
Ge wet nog, dak een paar weke geleeje, begonne was me ne lijst woar da hun tijde oepstonden binnen de groep en mé hun posities.
'k ad da beter ni gedoan.
ikke me ne grote mond, manne/meisjes we gon ni deurlope 't is te warm, we gon soeplesselope en de snelheid ni hoger dan duurloop tempo.
Ja, dag Jan,bij de eerste start vliege die der vandeur as razende om hun pleuts op de lijsten te verstevige en verbetere.
De pilote van beroep ware Herman,David,Sara,Tom,Dirk H.,Jonas,Coi,John ( de mens liet dapper mee,en dee da nog heel goe ook ) en Tinne.
Onzen Ludo was er ook en ging wa zwaarder wark doen 5x10.000 of wast nà 5 x 1000 allée 'k wilt kwijt zen, 't was zoiet in dien aard.
De pist lag helemol vol me heel grote zweetdruppele,en denk da ze allemol 5 kg kwijt zen , ze beginne der uit te zien als Kenniaane.
Nà ziennekik der rond en gezond uit, mor begin stillekes on te twijffele of dak mijn buikske wel gon auwe of ni, 'k val verdomme oep tusse die panlatte allemol.