Druk oponderstaande knop om een berichtje achter te laten in mijn gastenboek
no pain !
17-03-2010
Lena een nieuwe gazelle
16/03/2010 Interval een reeks afstanden op de piste, 't is bedoeld om de atleten te peste en ze is goe mug te moake. Mor ni me die van mij zene 't sen doodvruuterkes. Na kome kik der on stoat doar een lief maske noar mij te kijke, en ken dien blik,zo van oei der is em,en got die mij wel goe vinde en gone kik da wel kunne.godsalmie kan da kind lope zeg, meer sebiet, der is nog wa anders gebeurd. De doodvruuters van den avond ware Kevin-Matthias-Jonas-Christine-Lena - Dirk h.en Herwig. Awel over deze manspersoon zou ik teen en tander kunne zegge se! die at na het lef om te gsme dat op zen wark de maandelijkse drinkdag was, en dat tem wa loater zou kome want a was a CHAMPAGNE ont dri...( zuipe zeker ) wij ston doar op die pist moroal te geve , en die manspersoon stoat daar ergens me een flutje in zen hand ons wa jaloes te moake, van oe vrinde moetet hebbe!. 't gon ont bestuur vrage om de regelementen te verandere,van as a atleten lol moake ze den trainer altijd moete meeneme,om te zien da ze ni overdrijve, zodat de trainer kan overpakken om ze ne atleet in bescharming te neme. Ondertussen ware mijn ander gasten en gastinne oefeningen ont doen en ont warm lope. Christine had zwaar wark te doen,en vloog er inees in, ( ni voort vertelle ) moar denk he da ze stukke goa moake,mijn gazelle loopt heel goe,soepel 'tis persies een maschientje,tijden allemol hetzelfde me nog geen verschil van 1" verdorie zeg goe d hé. Kevin,zoals gewoonlijk gemotiveerd en na zeker me een nief gazelle,mor a was vergete da tem het BK at mee gedoan en da die meneer me ze ne grote zwarte hoed wer is neffe de pist zou stoan. ( Kevin ge moet die mens na onderhand wel gon kenne he, ge kunt die beter ni zien ) En ja patat, zen 5de 200 hoedmans gaf onze Kevin der een veeg uit de pan,zo dat dem braaf de rest van de training volgde op een normaal tempo.Kweet het Kevin ge ze rap moar meneer me ze nen hoed is soms rapper. Dirk h. pracht van nen atleet geweure,loopt zeer gelijkmatig, mooie houding en vooral loopt heel gereserveerd. Ge zie on die mens da lope een van de basisbewegingen van het menselijk ras is ( heb ik da ni schoon gezei ) na zal meneer Freud danig jaloes zen op mij om da hij da ni gezei he. Lena,begot kind kunde gij lope,dee heel goe mee me de jonges en moest der ni af,da beloofd!.Liet ze op eu zeker moment een 200 in achtervolging doen,zette ons Lena op kop,omdak docht,mijn manspersonen lope der zo over,( ge kent da he, kwestie van haantjesdinges bij manspersonen) Ja watte, pakt ons Lena ( gazelle ) der uit,en geen enkel manspersoon kon volge, integendeel liep ze nog verder weg ook.Ben danig onder den indruk! Matthias at nen super dag, die jonge,liep me gemak alle afstanden me twee vingers in ze ne neus,Jonas he alleen ze ne rug mor gezien,groots echt groots Matthias. Nochtans Jonas is ook geen katerke om zonder handschoene on te pakke,a he wel Matthias ze ne rug gezien, mor a liet tem toch ook ni los.Beestig goei bazekes die twee. Dan ons fuifnummer Herwig at persies toch ni zoveel gedronke, of wel? liep mee alsof het de gewoonte is, iedereen te loate afzien die nog mor in zen gebeure loopt.Mor as de training gedoan was bleef Herwig toch voortdoen,zou champagne da veroorzake?, zo ja dan gone nekik veur elke wedstrijd die mannen en gazelles een fles van da vocht late uitdrinke,om superatlete te kweke. A is a na ook wel gelukkig me da nief jong volk, die zen em na weerd en na goat tem nimeer alleen moet lope.
