Na was da weur zo koud,'k was men handschoene vergete,en kon op 't ende mijne chrono bekan nimmier indauwe.
Mor ni tegenstoande da ware der weur moedigen.
Den Herwig,Jonas,Richard,Lena en Coi waren de trainingsbeesten.
Der werd serieus deurgetrokke en de lijst ( da was lank geleje ) kreeg wer een patat !
Richard sukkelt mé zen tene,a moet ze beter swanjere,ken heum gezei dat tem ze minstens 1 keer per jaar moest wasse en a hé beloofd van da te doen !
Lena moet terug gon opbauwe,ze moet er ni bang van zen, ze kan da,'k vrees da ze een bietke faalangst hé, en da is zeker ni nodig!ze kan het.
Coi was in goei doen,sunde da de mens soms rugprobleme hé,want das eu manneke mé karakter ( en zen kiekes ook )
Jonas da jong veule loop soepel, mor moet meer deurdauwe,of ge nà minder snel loopt of snel ge ze op 't ende eve meug,mor wel minder getraind en da wilde zelf ni hé Jonas.
Herwig natuurlijk,loopt gelak né sfinks,schone loopstyl,efficient en snel; zou wa meer officiele wedstrijde moete doen,a is op zen pleuts bij de grote van zijne leeftijd,mor denk da tem da nog ni beseft.