Gelukwense stroom in vir Rolene Strauss

Mej. Suid-Afrika Rolene Strauss gekroon as Mej. Wêreld 2014 Foto: @haseebofficial, Twitter

Die land is baie trots op Mej. Suid-Afrika Rolene Strauss nadat sy Sondag in Londen as Mej. Wêreld gekroon is, het pres. Jacob Zuma gesê.

“Ons is baie trots dat een van ons eie hierdie gesogte titel kon insamel ná maandelange harde werk en toewyding,” het hy in ʼn verklaring gesê. “Me. Strauss het die vermoë van Suid-Afrikaners bewys om op wêreldverhoë te kan skitter. Ons is vol vertroue dat sy die Suid-Afrikaanse vlag selfs nog hoër sal laat wapper terwyl sy haar nuwe verantwoordelikhede vervul. Namens alle Suid-Afrikaners wens ons haar hartlik geluk en alles van die beste vir hierdie nuwe rol.”

Dié mediese student van die Vrystaat het eerste prinses mej. Hongarye Edina Kulcsar en tweede prinses Mej. Amerika Elizabeth Safrit uitgestof om die kroon te dra.

Die laaste keer wat ʼn Suid-Afrikaner die titel kon wen was in 1974 toe Anneline Kriel as Mej. Wêreld aangewys is.

Anthony Benadie, leier van die Demokratiese Alliansie in Mpumalanga het Rolene, oorspronklik van Volksrust in Mpumalanga, in ʼn verklaring gelukgewens.

Intussen stroom gelukwense in op sosiale media.

Jonathan Jansen, rektor en vise-kansellier van die Universiteit van die Vrystaat het op Twitter geskryf: “Hou op met huil! So ongelooflik trots op my student. Die Universiteit van die Vrystaat vier vanaand fees! Baie geluk Rolene. You lift us up [moontlik met verwysing na die lied van Josh Groban, You lift me up, wat die deelnemers tydens die kompetisie vir die voorsitter van die Mej. Wêreld-organisasie, Julia Morley, gesing het].”

Die universiteit het ook op sy Facebook geskryf: “Mej. Wêreld is ʼn Kovsie! Baie geluk aan Rolene Strauss dat jy die wêreld oorwin het. Ons is baie trots.”

15-12-2014 om 08:51 geschreven door Afrikaners against black racism  

Nuuskommentaar: Suid-Afrikaner eerste, of Afrikaner eerste?

06-12-2014 om 08:03 geschreven door Afrikaners against black racism  

Bijlagen:
http://www.vreesloosafrikaans.com/2014/11/police-brutality-in-lichtenburg-29-november-2014/   

Bijlagen:
1377540_833489436710883_8189308984948409725_n.jpg (34.4 KB)   

Tekenprent in vraestel onnodig

AfriForum gaan ʼn klag indien by die departement van basiese onderwys na aanleiding van ʼn ontstellende illustrasie in een van die vrae in vandag se departementele gr. 9-geografie-vraestel.

ʼn Onderwyseres wat verkies om anoniem te bly, het AfriForum in kennis gestel van ’n tekenprent in dié vraestel wat ʼn vet wit man uitbeeld wat deur ʼn maer swart man, wat ook as ʼn slaaf gesien kan word, gevoer word. Die vraag na aanleiding van die skets lui: Watter een van dié twee mans het ʼn hoër lewensverwagting?

“Dit is vir AfriForum ontstellend dat die vraag op so ’n wyse geïllustreer word, al is dit satiries van aard. Waarom is dit nodig dat daar volgens kleur en klas onderskei moet word om te bepaal wat ʼn persoon se lewensverwagting is? Dit is diskriminerend en onnodig,” sê Carien Bloem, hoof van AfriForum se onderwysveldtogte.

AfriForum dring aan op ʼn verduideliking oor waarom so ʼn illustrasie in die eerste plek in ʼn departementele vraestel toegelaat is. Ons sal ook graag wil weet wat minister Angie Motshekga se siening hieroor is.

“Ons gaan nooit ʼn punt van gelykheid bereik as selfs leerlinge op skoolvlak aan sulke propagandistiese materiaal blootgestel word nie,” meen Bloem.

28-11-2014 om 07:51 geschreven door Afrikaners against black racism  

Polisieman steel glo uit premier se kantoor

Argieffoto: SAPD

ʼn Polisiekonstabel van Mpumalanga het Woensdag in die Nelspruit-landdroshof verskyn in verband met die diefstal van ʼn skootrekenaar.

Brig. Selvy Mohlala, woordvoerder van die polisie, het bevestig dat konst. Promise Mashego (27) Vrydag in hegtenis geneem is nadat hy glo ʼn Apple MacBook uit David Mabuza, premier van Mpumalanga, se kantoor gesteel het.

Mashego is nie tydens sy hofverskyning gevra om te pleit nie. Die hof het gehoor dat kringtelevisiebeeldmateriaal wys hoe die beskuldigde, in sy polisie-uniform, die skootrekenaar van nagenoeg R28 500 vat.

Mashego is op borgtog van R5 000 vrygelaat. Hy moet weer op 21 Januarie in die hof verskyn.

27-11-2014 om 07:55 geschreven door Afrikaners against black racism  

Die ANC is in die moeilikheid – Zuma

President Jacob Zuma Foto: @newswallcoza, Twitter

President Jacob Zuma het Woensdag erken dat die ANC geskud is en in die moeilikheid is.

“Die jeugliga is geskud, maar die moederliggaam is ook geskud,” het hy aan afgevaardigdes by die ANC-jeugliga se konsultatiewe konferensie in Soweto, Johannesburg, gesê. “Ons erken dat die organisasie in die moeilikheid is.”

Zuma verwys na gesprekke Dinsdag tussen die ANC se gekombineerde nasionale werkkomitee en die nasionale uitvoerende komitee.

“Ek kan jou waarborg dat as alles met die ANC verkeerd loop, sal alles in die land verkeerd loop. Daar is geen twyfel daaroor nie,” het hy gesê. Hy het die jeugliga-lede gemaan om die ANC te verdedig.

Voordat Zuma opgedaag het, het afgevaardigdes liedere gesing wat die president vereer, en gesing, ‘lei ons Zuma’, in isiZulu. Toe hy by die saal instap, het die afgevaardigdes gejuig en ‘Umshini wam’ (bring my masjiengeweer) gesing.

Die ANC-jeugliga se konferensie moes die jeugliga se verkiesingskonferensie gewees het, maar die nasionale taakspan het Dinsdag aangekondig dat die afgevaardigdes nie nuwe leiers sal aanstel nie. Magasela Mzobe, koördineerder van die taakspan, het gesê die verkiesingsfase is vir 2015 beplan. Dit is die tweede keer dat die verkiesing vir nuwe leiers uitgestel word. Die eerste een moes reeds tussen 24 en 28 September plaasgevind het.

Mzobe het vandeesweek gesê die konsultatiewe forum sal slegs politieke, organisatoriese en funksionele verslae hanteer en sal kommissies hê wat die beleidsdokumente hanteer. Die nasionale taakspan is verlede jaar ingestel nadat die ANC die besluit geneem het om die ANC-jeugliga se nasionale uitvoerende komitee te ontbind.

ʼn Aantal afgevaardigdes was ongelukkig dat die verkiesing vir nuwe leiers weer uitgestel is. ʼn Groep afgevaardigdes van Gauteng was oproerig en het sommige ANC-leiers afgejak deur “boo!” te skree. Hulle het ook “boo!” geskree omdat hulle nie by die konferensie mag stem nie.

Zuma het tydens sy toespraak aan die afgevaardigdes gesê die ANC het die besluit geneem om die jeugliga se konferensie eerder ʼn konsultatiewe-konferensie, in plaas van ʼn verkiesingskonferensie te maak. “Ons wou nie dieselfde uitslag hê as die vorige keer nie,” het hy gesê, met verwysing na die omstrede 2011-konferensie toe voormalige ANC-jeugligaleier, Julius Malema, vir ʼn tweede termyn verkies is.

Daar was reeds talle uitdagings voor die konferensie. “Terwyl ons met die nasionale taakspan vergader het om die konferensie te bespreek, en hulle verslag gedoen het, was ons nie oortuig dat dit veel anders sou wees as die vorige konferensie nie,” het Zuma gesê. “Ons [die ANC] het aan die nasionale taakspan gesê ons kan julle nie toelaat om voort te gaan nie.”

Zuma het gesê indien die ANC-jeugliga se verkiesingskonferensie hierdie week sou plaasgevind het, sou dit weer ontbind moes word. Hy het die afgevaardigdes aangemoedig om die konsultatiewe konferensie te gebruik om die jeugliga weer op te bou. “Dit word gedoen ter wille van die hele beweging.”

Hy het gesê die afgevaardigdes raak “te opgewonde” wanneer hulle nuwe leiers moet kies, en vergeet dan van beleidskwessies.

“Dit was die regte besluit om te neem. Miskien dink jy as ʼn individu of julle as groep dat dit nie die regte besluit was nie, maar dan plaas jy nie die organisasie eerste nie. Ons is hier vandag, maar ons sal nie môre hier wees nie… maar die ANC sal. Kom ons plaas die ANC eerste,” het hy gesê.

Senior leiers van die ANC insluitend twee voormalige ANC-jeugligapresidente, minister van binnelandse sake Malusi Gigaba en sportminister Fikile Mbalula het ook die konferensie bygewoon. Gwede Mantashe, sekretaris-generaal van die party; sy adjunk Jessie Duarte; en ANC-tesourier Zweli Mkhize was ook teenwoordig.

27-11-2014 om 07:50 geschreven door Afrikaners against black racism  

26-11-2014 om 07:42 geschreven door Afrikaners against black racism  

Mugabe is “skolier van die eeu”

Robert en Grace Mugabe. Foto: GCIS

President Robert Mugabe is deur die African Council for Distance Education as die skolier van die eeu aangewys.

Die Zimbabwe Broadcasting Corporation (ZBC) berig dat dr. Olivia Muchena, minister van hoër en tersiêre onderwys, tydens die geleentheid gesê het dat Mugabe ʼn fantastiese skolier is en dat geen leier al só prestasie behaal het nie.

Muchena het gesê as ‘n vooraanstaande afstandsonderrigstudent is Mugabe ‘n spesialis in politieke ekonomie en maatskaplike ingenieurswese.

Dit kom kort na berigte dat Mugabe sy vrou, Grace, se doktoraat nagesien het. Oppah Muchinguri, uittredende hoof van die Zanu-PF-vroueliga, het vroeër die week tydens ʼn saamtrek in Mazowe, noord van Harare, gesê Grace Mugabe het slapelose nagte gehad terwyl sy vir haar doktorsgraad studeer het, “terwyl president Mugabe dit nagesien het”.

Haar uitlatings het opnuut ʼn herrie veroorsaak oor die doktorsgraad wat deur die Universiteit van Zimbabwe aan Grace toegeken is, glo twee maande nadat sy daarvoor begin studeer het. Talle Zimbabwiërs glo dat die graad op ʼn bedrieglike wyse aan Grace, ʼn voormalige tikster, toegeken is om steun te verleen aan haar nuwe politieke loopbaan.

Die 49-jarige Grace gaan oorneem as hoof van die Zanu-PF se vroueliga en het al te kenne gegee dat sy ambisie het om president te word.

23-11-2014 om 19:40 geschreven door Afrikaners against black racism  

Millions later, Nkandla is falling apart.......

En hoekom is 'n mens nie eers verbaas nie.

Dit is nou eenmaal so, as jy iets verniet gekry het (of in hierdie geval, iemand anders se geld gebruik het om vir die set up te betaal- lees: JOU belastinggeldjie), dan worry jy nie eintlik as dit ten gronde gaan nie

ps. En hoekom sal jy die rubbish optel op jou erf/ rondom jou huis....

Video - Nkandla style-onthou jy nog?

This is despite the fact that Zuma supporters have repeatedly argued that the R246-million upgrade to the president's rural compound was vital to keep him safe.

Less than two years after it was erected, the R6.2-million high-security perimeter fence around the homestead is in a disgraceful state.

The Sunday Times visited Nkandla this week and found parts of the fence entirely broken and other sections patched in makeshift fashion with logs and other objects.

Zuma's palatial 8.9ha private residence is surrounded by two rings of 3m-high fence - an internal fence that cost R8.2-million and the outer perimeter fence, which is collapsing.

23-11-2014 om 14:39 geschreven door Afrikaners against black racism  

Argieffoto

Die Suid-Afrikaanse Lugdiens (SAL) voer aan dat daar weens ʼn redigeerfout verkeerdelik aangedui is dat Nico Bezuidenhout, waarnemende hoof van SAL, ʼn graad het, berig die Sunday Times.

SAL het die week erken dat sy 2011 en 2012 jaarverslae verkeerd was aangesien daarin beweer is dat Bezuidenhout ʼn BCom-graad in vervoerekonomie en bedryfsielkunde sowel as ʼn MBA het. SAL, wat glo namens Bezuidenhout gepraat het, het Vrydag ʼn CV aan die koerant verskaf waarin daar beweer word dat Bezuidenhout in 1995 by die destydse Randse Afrikaanse Universiteit (nou die Universiteit van Johannesburg) ingeskryf het vir ʼn BCom, ʼn jaar nadat hy matriek voltooi het.

Volgens Bezuidenhout se akademiese rekord het hy in 1996 opgeskop. Hy het in 1997 by Unisa ingeskryf vir ʼn BCom in vervoerekonomie en bedryfsielkunde. Volgens Bezuidenhout se CV is een van die vakke al vir 14 jaar uitstaande. Bezuidenhout het glo hierna vir ʼn MBA geregistreer by Milpark Education maar nooit die vereiste proefskrif ingehandig nie.

SAL het Bezuidenhout, uitvoerende hoof van Mango, verlede jaar gevra om die lugredery se bedrywighede oor te neem nadat Vuyisile Kona, die toe waarnemende uitvoerende hoof, as voorsorgmaatreël geskors is.

SAL het destyds gesê dat Bezuidenhout geen geheim daarvan gemaak het dat hy nie sy graad in vervoerekonomie en bedryfsielkunde voltooi het nie en dat hy besluit het om te begin werk. Volgens SAL was daar ʼn redigeringsfout in sy 2011 en 2012 jaarverslae en is dit om die rede dat daar verkeerdelik aangedui is dat Bezuidenhout sy graad voltooi het.

Bezuidenhout is vroeër die maand weer as waarnemende hoof van SAL aangestel.

23-11-2014 om 12:15 geschreven door Afrikaners against black racism  

Nkandla

Volgens die koerant het verslaggewers Nkandla besoek en gesien dat dele van die heining heeltemal gebreek is terwyl ander dele gelap is met stukke hout en ander voorwerpe.

Zuma se 8,9ha woning in KwaZulu-Natal is omring deur twee 3m-hoë heinings. Die binnenste heining het sowat R8,2 miljoen gekos. Die buitenste heining is besig om uitmekaar te val.

Volgens die Sunday Times is daar ook skade aan die heining naby Zuma se hoofwoning. Die heining naby een van die waghuise is glo omgestamp terwyl die gedeelte van die heining naby die rondawels heeltemal omgeval het en deur stompe regop gehou word. Volgens die berig is daar ook ʼn gat in die heining rondom die veiligheidskompleks.

Die kontrak vir die oprigting van die heining is toegeken aan die Durbanse sakevrou Thandeka Nene, wat se maatskappy werk van nagenoeg R98 miljoen gekry het vir die Nkandla-projek. Die kontrak vir die heining is egter later gekanselleer en aan Betafence Projects toegeken.

23-11-2014 om 09:35 geschreven door Afrikaners against black racism  

Operasies gekanselleer weens tekort aan narkose

Argieffoto

Operasies wat nie dringend is nie, is glo vandeesweek by die Chris Hani Baragwanath-hospitaal in Johannesburg gekanselleer as gevolg van ʼn tekort aan narkose.

Jack Bloom, die DA in Gauteng se woordvoerder van gesondheid, het Vrydag in ʼn verklaring gesê daar is ʼn nypende tekort aan narkose in die provinsie.

“Ander hospitale in die provinsie ervaar soorgelyke tekorte, maar die departement erken nie dat daar ʼn dreigende krisis is nie,” het Bloom gesê.

Hy het gesê dit is die nasionale departement se skuld omdat farmaseutiese tenders laat toegeken word en die kontrakte van sekere gekodeerde medisyne verwyder is.

Prince Hamnca, woordvoerder van die departement, was nie vir kommentaar beskikbaar nie.

22-11-2014 om 08:42 geschreven door Afrikaners against black racism  

Nuuskommentaar: Kan so ‘n party met ons verkiesings vertrou word?

Robert en Grace Mugabe Foto: redpepper.co.uk

Verlede Vrydag het ’n brokkie uiters belangrike nuus in ons nuusruim, onder die radarhoogte, inbeweeg. As u dus nou vir die eerste keer hiervan hoor, is dit nie u onoplettendheid nie… dit het gewoon nie die nuusdekking gekry wat dit verdien het nie.

Vrydag is die jarelange hofstryd afgesluit waarin die Mail & Guardian ’n grondwetlike en wetlike bepaling probeer afdwing het om insae te kry in die sogenaamde Khampepe-verslag. Die Mail & Guardian wou amptelike bevestiging kry dat die Zimbabwiese verkiesing van 2002 nie vry en regverdig was nie, en dat die Suid-Afrikaanse regering daarvan geweet het, maar nogtans standpunt ingeneem het dat Mugabe die verkiesing regverdig gewen het.

Drie opeenvolgende presidente, Thabo Mbeki (wat die kommissie aangestel het), Kgaleme Motlanthe en Jacob Zuma, het egter alles in die stryd gewerp om te keer dat die bevindinge bekend gemaak word. Vrydag het die grondwetlike hof die verset die doodskoot gegee, en die Mail & Guardian (wat reeds op straat was) kon die bevindinge op die internet plaas.

Die bevindinge was dat regters Sisi Khampepe en Dikgang Moseneke, wat deur Mbeki na Zimbabwe gestuur is om die verkiesing te monitor en verslag te doen, inderdaad bevind het dat die geweldpleging en ander manipulasie voor die verkiesing, en onder andere beheer oor die toegang tot die openbare media, so erg was dat die verkiesing nie vry en regverdig was nie.

En hoe het ons eie openbare uitsaaier op verlede Vrydag se nuus gereageer? ʼn Soektog deur RSG se argiewe dui daarop dat RSG laas op 5 September, toe die uitspraak nog in die appèlhof voorbehou is, oor die verrigtinge verslag gedoen het. Dis waarskynlik eerder ’n nuusglips as ’n handeling om die ANC ter wille te wees, maar dit is steeds verontrustend. Dieselfde geld waarskynlik Netwerk 24 wie se argief ook aandui dat geen nuusdekking hieraan verleen is nie. Dis geen veroordeling nie, bloot ’n waarneming.

Media 24, in die vorm van News 24, het wel Donderdag die nuus gedra toe die Zimbabwiese opposisieleier, Morgan Tsvangirai, woedend gereageer het.

Maar wat is die betekenis hiervan?

Die kort weergawe is dat die ANC bereid is om die land se kiesers blatant te mislei ter wille van ’n despoot soos Mugabe, en bereid was om dié misleiding tot in die hoogste hof te voltrek. Dit werp ’n baie donker skadu oor die ANC se verbintenis dat verkiesings ook hier vry en regverdig moet wees. Dit sluit in ’n verbintenis tot ʼn onverbondenheid van die openbare uitsaaier, en met genoeg maatreëls in plek om ’n andersins vrye media te verseker. Daar lyk dinge ook nie te waffers nie, met Suid-Afrika wat lank nie die mees vrye pers op die kontinent het nie soos die land op hierdie indeks die kreeftegang gegaan het.

Die onthulling oor hoe drie agtereenvolgende presidente verbete die waarheid van die Suid-Afrikaanse kiesers weerhou het, val saam met die sweer wat in die parlement oopgebars het.

Die vingers word lustig oor en weer gewys, maar die feit is dat die manier waarop die ANC oor ’n lang tyd ’n beergreep op die parlement begin uitoefen het om dit in ’n rubberstempel vir Luthuli-huis te maak, het ook reeds in die howe, en die grondwetlike hof gaan draai. Die ANC het selfs die mees basiese tradisie van parlementêre demokrasie – om ʼn mosie van wantroue in die president te kan stel, probeer nek omdraai. En, so lyk dit, dis juis hierdie demokratiese praktyk se toepassing wat nou die ooreenkoms tussen partye om orde in die parlement te herstel, nek omgedraai het.

Dat die DA in die openbare mening nie met skoon hande daarvan afkom nie, moet minstens ten dele voor die deur van die DA gelê word as na die DA se media-aksie op sy webwerf gekyk word. Dit lyk of die DA sy kant deur uittreksels van toesprake deur ampsdraers probeer stel. ’n Bietjie basiese kennis van kommunikasie deur politieke partye wêreldwyd toon dat dit nie werk nie, en ook reeds regerings tot ’n val laat kom het.

Toe Margaret Thatcher en haar Tories aan bewind gekom het, het hulle dit juis grootliks vermag deur professioneel te kommunikeer. Die Arbeiders het geklou aan die LP-tradisie dat die parlementslede self “meester-kommunikators” is, en dat die professionele kommunikasiekundiges maar wyd moes hou. Maar ’n groot bek hou eenvoudig nie teen professionele kommunikasiekundiges nie. En nou nog minder met politici wie se beeld by kiesers wêreldwyd aan skerwe lê. Pres. Barack Obama van die VSA wat as spreker internasionaal hoog aangeslaan word, was voor die Amerikaanse midtermyn-verkiesing so ongewild dat van sy eie party se kandidate wal gegooi het dat hy as spreker by hul verkiesingsgeleenthede moet kom optree.

In Suid-Afrika is die posisie nog komplekser. Die afgelope aantal jare het die gemeenskaps- en sosiale media baie gegroei. Hierdie media beskik selde oor vertalers, en nuusverklarings wat slegs in Engels voorsien word, beland dikwels weens ’n gebrek aan kapasiteit om dit in ander tale te vertaal in die snippermandjie. Om ’n toespraak, of ’n deel van ʼn toespraak, te verwerk en te vertaal maak dit nog moeiliker. Boonop het die nuusgebeure in die parlement mekaar so vinnig opgevolg dat dit moeilik was om by te hou.

Ook ander politieke partye gaan nou nie juis uit hul pad om die kiesers op die hoogte van sake te hou nie. Die indruk word geskep dat die partye onderling dit nie almal eens is oor ander se optrede nie, en self ook onseker is oor die beste manier oor hoe om die krisis aan te spreek.

Hierteenoor span die ANC waarskynlik sy mees geloofwaardige lid in om die vlag te dra – adjunk-president Cyril Ramaphosa.

Die bekendmaking van die Khampepe-verslag neutraliseer egter al die voordeel wat die ANC in die koppestamp kon verwerf. Of dit behoort dit te neutraliseer.

Hoewel Mugabe se bewind einde se kant toe staan, lyk dit in hierdie stadium of reeds aan hoofstuk twee geskryf word – met sy jong vrou Grace (en eertydse sekretaresse) wat nou vinnig die nodige skuiwe maak om haar man op te volg. En te oordeel aan haar spandeervermoë, uitsprake en omstredenhede, lyk dit of sy eerder ’n nog groter ramp vir Zimbabwe gaan wees as Mugabe self.

Te danke aan ’n toesmeeraksie van 2002 af.

Die MDC het juis tot stand gekom toe daar ’n breekspul tussen die regerende Zanu-PF en sy vakbond-vennoot was. Trouens, Cosatu het lank sy sentimentele bande met die MDC behou, maar uiteindelik onder druk van die ANC die MDC die rug toegekeer. Nou het die ANC sy eie moeilikheid met Cosatu, hoewel dit baie anders manifesteer. Dit wil byvoorbeeld lyk of die kanse dat ’n meer gematigde politieke party of magsblok uit Cosatu of sy afvallige filiale kan voortspruit, ongeveer so goed is as dat Suid-Afrika teen Kersfees ’n basis op Mars sal kan inrig.

Aan die ander kant toon die manier waarop die Khampepe-verslag hanteer is tot welke mate die ANC bereid is om sy talle muishondvriende oor die wêreld te beskerm, al is dit tot die uiterste nadeel van die land.

22-11-2014 om 08:32 geschreven door Afrikaners against black racism  

Adj.pres. Cyril Ramaphosa en die speaker van die nasionale vergadering, Baleka Mbete, gister in hul bank nadat Ramaphosa moes bontstaan om opposisie-LP’s se vrae te antwoord terwyl Mbete die vrede probeer vewaar het. Foto: Nasief Manie

21-11-2014 om 18:06 geschreven door Afrikaners against black racism  

De eenzijdige nadruk op ras in het universiteitsdebat over transformatie beschadigt het universiteitswezen in het algemeen en studenten in het bijzonder. Dit standpunt werd verkondigd bij de mensenrechtencommissie over transformatie en racisme bij universiteiten door Flip Buys , voorzitter van de Solidariteit Beweging.

Buys heeft gezegd dat de Solidariteit Beweging elke vorm van racisme verwerpt , en zich zorgen maakt over de groeiende opvatting dat racisme alleen een " witte " en vooral Afrikanerprobleem is . Volgens hem halen vermeende rasincidenten waarbij blanke en Afrikaanstalige studenten betrokken zijn meteen de voorpagina's en stelt de minister voor het hoger onderwijs daartegen een onderzoekscommissies in. Daartegenover miskennen de autoriteiten en de media het anti - Afrikaner - racisme dat steeds vaker bij universiteiten voorkomt . Buys heeft Langenhoven gevraagd, waarom elke politiek van de Afrikaners steeds als racisme wordt bestempeld, terwijl andere politieke groepen juist een racistische politiek voeren.

vertegenwoordiging

Buys zei dat terwijl er bij de Afrikaners terecht voortdurend over racisme in eigen 
gelederen gedebatteerd wordt en aan zelfonderzoek wordt gedaan, er geen 
sprake is van een debat in regeringskringen over de groeiende rol die ras 
in overheidsbeleid bij universiteiten spelen. De realiteit is dat begrippen als 
"correctie " en " mensenrechten " in de praktijk steeds meer misbruikt worden 
om onrecht en de miskenning van de mensenrechten te proberen vergoelijken. 
Hier heeft Buys verwezen naar gevallen waarin valse beschuldigingen van 
blank racisme misbruikt wordt om Afrikaanstaligen hun grondwettelijk recht op 
onderwijs in de moedertaal in de naam van transformatie te ontzeggen.

" Het is noodzakelijk dat meer zwarte academici opgeleid en ontwikkeld worden . 
Tegelijkertijd is het niet een oplossing om in naam van de correctie een rem op 
blanke academici te plaatsen en rasvereisten op te leggen. Daarnaast is het 
oneerlijk om “inclusiviteit” tot ' “representativiteit” te beperken , omdat dit onder 
meer tot het einde van het Afrikaans als volwaardige academische taal zal leiden . 
Alle universiteiten samen moeten representatief zijn voor de bevolking zijn , 
en niet elke campus, omdat een dergelijk beleid ' gelijkenis ' onder auspiciën 
van ' diversiteit ' zal betekenen , " heeft Buys gezegd.

Mijn opinie:

Afrikaans en Afrikanen

Volgens Buys worden de rasgemotiveerde pogingen om universiteiten 
te transformeren soms niet herkend of opgemerkt, omdat mensen alleen 
naar de taal kijken . De meeste campusbesturen willen echter niet minder 
Afrikaans op campussen horen, ze willen minder (blanke) Afrikanen 
op de campussen zien. Het doel van de rastransformatie is dat het 
Afrikaans als academische taal zal verdwijnen. Dit beleid heeft ook tot doel 
dat het studentenleven bij historisch Afrikaanstalige universiteiten moet 
worden afgeschaft omdat het “een uiting van Afrikanercultuur is”, 
hetgeen als anti - Afrikaner - racisme kan worden bestempeld." 
Deelname aan het studentenleven is essentieel voor de algemene vorming 
van studenten en is een onmisbaar onderdeel van de universiteitservaring 
die studenten niet ontzegd mag worden. "

Buys standpunt is dat het grootste probleem bij universiteiten niet het Afrikaans 
of blank racisme is , maar de “struggle-cultuur” (gevechtscultuur), die bij 
bepaalde campussen studenten, studies en levenskansen schaadt . 
Hij waarschuwt dat de voortdurende aanvallen op blanke studenten op 
campussen de grootte van een heksenjacht aanneemt en dat dit alleen 
tot verdere polarisatie kan leiden.

20-11-2014 om 00:00 geschreven door Afrikaners against black racism  

Minister Lindiwe Sisulu. Foto: GCIS

David Maynier, DA-LP, het ʼn mosie ingedien waarna talle ANC-LP’s handgebare gemaak het. John Steenhuisen, DA-hoofsweep, het beswaar aangeteken en gesê Sisulu “flipped a Floyd”. Dit was ’n verwysing na ʼn voorval in September toe Floyd Shivambu, EFF-LP, vir adjunkpresident Cyril Ramaphosa die middelvinger gewys het.

“Dit is onparlementêr. Sy moet dit terugtrek,” het Steenhuisen gesê. Sisulu het erken dat sy die middelvinger gewys het. “Ek het gesien hulle [LP’s van die opposisiepartye] gebruik die middelvinger. Ek volg hulle net na,” het Sisulu gesê.

Volgens Tsenoli het hy nie gesien dat Sisulu die middelvinger gebruik het nie. Hy het LP’s wel gewaarsku om hulle van handgebare te weerhou.

20-11-2014 om 00:00 geschreven door Afrikaners against black racism  

SA President en die Nkandla Skandaal

Nkandla Paleis

KAAPSTAD – Dit is bevestig dat President Jacob Zuma strafregtelik ondersoek word weens korrupsie wat verband hou met die Nkandla-skandaal.

Nathi Nhleko, het in die vorige week skriftelik in die parlement bevestig dat die polisie besig is met die ondersoek teen Zuma nadat die DA klagte van korrupsie ingedien het. Dit is die tweede keer dat die staatshoof die onderwerp is van ’n strafregtelike ondersoek na korrupsie. In 2005 is Zuma daarvan aangekla dat hy omkoopgeld van Schabir Shaik en die Franse wapenmaatskappy Thales ontvang het. Dit was nadat Shaik skuldig  bevind is aan dié klagte.

In 2009 is die klagte teen Zuma teruggetrek nadat die sogenaamde spioenasiebande ondersoek was. Nou word Zuma ondersoek of hy betrokke was by die opknappings van R246 miljoen aan sy private huishouding by Nkandla. Adv. Thuli Madonsela, openbare beskermer, en die spesiale ondersoekeenheid het bevind dat Zuma en sy familie voordeel geniet by dié opknappings.

Madonsela wil hê Zuma moet ’n deel van die geld terugbetaal. Hoewel Zuma tot dusver nog nie direk aan korrupsie met die Nkandla-skandaal gekoppel kan word nie, weier die president om te sê hoe hy en sy familie vir die drie woonhuise in die Nkandla-kompleks, wat deur dieselfde bouer as die res van die ontwikkeling gebou is, betaal het.

Moneymine is vir meer as R50 miljoen op die Nkandla-projek vergoed. Die maatskappy word besit deur die Mfeka-egpaar, Pamela en Michael. Michael Mfeka en Gcaba het in 2012 saam getender om ’n polisiekantoor te bou. Nhleko, minister van polisie, het in antwoord op ’n parlementêre vraag van Mmusi Maimane, parlementêre leier van die DA, bevestig dat die polisie die korrupsieklagte ondersoek wat Maimane in Maart by die Nkandla-polisiekantoor teen Zuma ingedien het.

Julius Malema, EFF-leier, is een van die ander wat ’n klag teen Zuma ingedien het nadat die openbare beskermer se verslag sy opwagting gemaak het. Die DA het die hooggeregshof in Pretoria verlede week genader om die “Shaik”-korrupsie-aanklagte teen die president weer in te stel. Volgens die DA se James Selfe het die spioenasiebande bewys dat die redes om die aanklagte teen Zuma in 2009 te laat vaar “inderdaad irrasioneel”.

17-11-2014 om 07:52 geschreven door Afrikaners against black racism  

Eskom Verkrag SA Ekonomie

SUID-AFRIKA – Kragonderbrekings, beurtkrag en onsekerheid oor waar Suid-Afrika se krag vandaan gaan kom in die toekoms, het die land se ekonomie sedert 2008 nagenoeg R3 miljard gekos.

Só het die ekonoom Dawie Roodt gister gesê die Suid-Afrikaanse ekonomie kon nou 10% groter gewees het as in 2008 as daar vertroue in die land se kragnetwerk was. Dit kon 1 miljoen werkgeleenthede die afgelope ses jaar geskep het.

Lance Greyling, die DA se woordvoerder oor energie, het Vrydag gesê Suid-Afrika se kragnetwerk moet so gou moontlik van Eskom ontneem en in die hande van ’n “onafhanklike en betroubare” entiteit geplaas word. Die ideologie binne die ANC dat hy die monopolie op Suid-Afrika se kragnetwerk moet behou, is besig om die land se ekonomie ernstig op sy knieë te dwing.

Chris Yelland, elektriese ingenieur en besturende direkteur van EE Publishers, het gister gesê die Wetsontwerp op Onafhanklike Stelsels en Markoperateurs (ISMOB) wat dit vir onafhanklike kragprodusente moontlik sal maak om elektrisiteit aan Suid-Afrika se kragnetwerk te verskaf en te verkoop, is al vier jaar gelede deur die departement van energie voorberei, maar is nou iewers in ’n kabinet versteek.

Volgens Yelland is onafhanklike kragprodusente – hoofsaaklik in die son- en windkragsektor – besig om infrastruktuur op te rig vir die opwekking van 18 000 MW. Hulle moet nou net die geleentheid gegun word om dit aan Eskom te verkoop. Eskom wil nog nie op groot skaal krag van onafhanklike kragprodusente koop nie, omdat dit sy monopolie gaan verbreek, wat hy ook nie wil toelaat nie.

Greyling het gesê die ANC is diep verdeeld oor die kragnetwerk. Hy meen mense wat sonpanele op hul dak het en ’n oorskot krag opwek, behoort ook hul krag aan Eskom te kan verkoop.  Andrew Etzinger, woordvoerder van Eskom, het gesê Medupi sal in 2019 volstoom aan die werk wees en 4 764 MW opwek. Kusile behoort 18 maande later op dreef te wees en sal 4 800 MW opwek.

Eskom se sonplaas by Upington sal 100 MW opwek. Bouwerk aan dié sonpanele begin eersdaags. Eskom se Sere-windplaas in die gebied van die Matzikama- plaaslike owerheid in die Wes-Kaap word tans gebou. Sewe van die 49 windturbines is reeds opgerig. Altesaam 100 MW sal ook by dié windplaas opgewek word. Die windplaas sal einde aanstaande jaar in volle produksie wees.

17-11-2014 om 07:49 geschreven door Afrikaners against black racism  

“Grondbesettings nie verkeerd nie” – Malema

Metropolisielede het op 12 November 2014 met rubberkoeëls op klipgooiers by Nellmapius in die ooste van Pretoria losgebrand nadat die persone onwettig plakkershuise wou oprig. Foto: Daniella van Heerden/eNuus, Twitter

Julius Malema, leier van die Ekonomiese Vryheidsvegters (EFF), het Vrydag gesê daar was niks verkeerd met die poging tot grondbesetting in Nellmapius, Pretoria-Oos, vroeër vandeesweek nie.

“Dit is die progressiewe programme wat oral in Suid-Afrika moet gebeur,” het hy aan verslaggewers in Johannesburg gesê. Indien die regering nie aan die mense grond kan gee nie, moet hulle dit vat. “Dit is ons grond. Hulle moet dit vat. As jy nie die massa kan lei nie, gaan hulle dit self doen.”

Malema het gesê hy gee nie om of dit staatsgrond of privaat besit is nie, en die EFF is nie skaam oor hierdie deel van die struggle nie. Hy het gesê daar gaan meer van hierdie “programme” wees ná die party se nasionale vergadering wat na verwagting in Desember gehou gaan word.

Nellmapius-inwoners het Woensdagoggend probeer om plakkershuis op die grond op te rig. Die ANC in Gauteng het gesê die grond is geoormerk vir laekostebehuising. Die plakkershuise is gesloop en die inwoners was ontstoke. Hulle het Tshwane-metropolisiebeamptes met klippe bestook en paaie met klippe, boomtakke en brandende bande versper. Die metropolisiebeamptes het met rubberkoeëls op hulle losgebrand.

Vusi Msiza, voorsitter van die EFF se Nellmapius-tak, het gesê die grondbesetting het al verlede Sondag begin. “Daar was mense wat probeer het om die plakkershuise op te rig. Die EFF het besluit om die gemeenskap te ondersteun omdat ons almal hierdeur geraak word,” het hy Woensdag gesê.

15-11-2014 om 09:54 geschreven door Afrikaners against black racism