West Vlaams Snorrenlied 

Ot ’t vrouwtje zegt da’j snor tevele stekt
Dat’n slordieg is en dat’n up niet’n trekt
Toen wilt dat meschiens verzekers zegn
Daj d’er meer je leen achter moe legn
Ne snor da vraagt e masse oenderhoed
En wit je gie nie goed hoe dat da moet
De westvloamsche snorrenclub bestoat
Me wiln je g’rust oendersteun’n met road en doad

Miene moestas
Dat is mien kiend
Ik zien d’er preus up en ‘k verzorg’n em goed
’t is deur dien snor
Daj mien ier viend
oj ier wilt lid zien moej wat oar en up joen snoet
’t is mien eigen zotte keuze
Die moestas oender mien neuze
En ik droain d’er geren tuutjes an
Mien moestas dat is mien moat
Ik zorg’n dat’n oltiet proper stoat
En ik neem’n d’er nooit gin ofscheid van

Nateurlijk emme ook e reglement
Nateurlijk is’t belangriek daj da kent
Mo ’t voornaamste damme joen gon vraagn
Dat is geweune wuffer snor daj gie wilt draagn
Ne chinees, ne vrije stijl met vele spil
N’een hongaarschen, of geweune naturel
’t is uus ol geliek, oj d’er mo helegans voorn goat
Meschien kan’t vrouwtje zegn woar daj gie best mee stoat

Gecomponeerd en gezongen door
't Westvlams Gemiengeld Vintekoor.

http://www.vintekoor.be/

De CD kan je bestellen op
http://www.snorrenclub.be/t_nl/info/p1.htm

26-03-1997 om 00:00 geschreven door Guy