Goedendag (tes ier Bjorn)

Beginnen met een aantal dienstmededelingen:

@ nonkel diekerik. Lysander mist u. Hij vraagt al de gjeln dag voer nog ne kje te komen

@ opa. Zwins kennen ze ier en ulder buikspek met sojasause is  voer dumn en vingers af te lekn

@ Kevin. Wuk skrivjde gie allemaele

@ ol de nonkels. Ge moet der wok ne kje de Japanse catalogus bie pakken. Der lopen ier veel skone madammen rond’

Wat eime vandage gedaan? Den jetlag is verzekerst nog niet gjelegandst verteert. Vanochtend te 7nen waeren we klaarwakker, moa omdat nog zjou tielik was eime oes were gedraaidtd. Ten 10nen kwamen we weren wakker. Tijt voer nen naperitief zjoe je peins… Moa ’t was nen kaffie met joegoert met mandarinen. (geen stikskes gelik bij oes, maar een gjille mandarijn in ne pot.)

Tegen de noene pakte de reisgids (maï dus) oes mee naar ne tempel. Kmoe het toe geven – ’t was de moeite om te zien. Da lag te midden int bos waar der geen een blaadje op de grond lag omdat die Japn ieder blaadje dat ep de grond volt direct opzuign in ulder nen stofzuggere.

Ton zin we naer de nieuwstraete van Tokyo gewist. Niet te doen. Japn. Japn en nog ne kier Japn in ol de kleur da ne lekstok maar kan ein (roze prukn, fluo blauwe kleedjes, groene savatten en da allemaal deur elkaar)

Later ep den nachternoene nog naar den Time Square van Tokyo geweest, vlak aan het station van Hachiko (dankt zinnen name aan een verhaal van een ontje da iedren dag zin baaseke aan de statie stond ep te wachten. 10 jaar aan een stik achter dat zin baaseke dwoa was.) Kindjes vonden da een skwon verhaaltje maar ein ton wel de reste van den dag gevraagd oe dat dienen vint aan zin ende es gekomen (da staat dus in gen jenen reisgids)

Vanavond nog ne kier de Japanse keuken gaan verkennen. Gjele lekker coquilles gegeten en maï nen  andjoen met vljes in. De kiendjes moagen het wok, we moeten al een extra plae bie vragen.

Kgoa afronden, minne sake is verre ut.

Juste nog ne kjer meegeven voer de die da wok naar Japan zoen willen komen. Aje groter zit dan nen meter zeventig, pakt nen  nelm mee, ik peize ier gjille dagen dak met min ooft ergens tegen ga lopen.

Daarnaast wok voorbehoedsmiddelen meepakn voet ut te djeln. Die Japn weten het niet maar ze zin met veel te vele!

Hey!

Als studente ABN gaat dat niet zo goed om Mjins te typen, dus je moet het maar doen met schoon Vlams ;)

Volgens mij sterft het baasje van Hatchiko aan een hartaanval terwijl hij op zijn werk was. Hatchi probeerde hem tegen te houden, want het hondje wist dat er iets niet pluis was (slimmer dan Samson!). Maar zijn baasje vertrok toch en kwam nooit terug. Dat is natuurlijk wel de Amerikaanse versie van het verhaal.

Wil je de volgende keer weer ABN schrijven? Ik zal wel doen of ik die ene DT-fout niet zie staan.

Hihi!

Groetjes en 't amusement

Kay

28-03-2016 om 18:41 geschreven door Kay

Lysander en co,

we zin doa bikan wè. Nonkel et de caravanne gan utoln en an den otto gang. we zin grjeit vo an te zetten. Goj doa nog zin omme toekomn, want tes zelvs vo nonkel Krikriek lange rien.

28-03-2016 om 11:08 geschreven door Diederik

https://en.wikipedia.org/wiki/Saint_Seiya of http://metamansion.com/saint-seiya/

https://en.wikipedia.org/wiki/Choudenshi_Bioman of zie afbeeldingen in google. 

Dingen uit mijn verre jeugd, toen samson ne pluchen hond was en studio 100 zelfs nog geen idee van Gert Verhulst en zo was. Dit was op Club Dorothee op ne Franse post. Diene Bioman is dan nog heruitgevonden geweest als de power rangers. 

28-03-2016 om 10:20 geschreven door kevin

opa kikt ut noa die prenten moa we zien ze niet.

wiender, de wuven èn de gids gemist, twoaren gin prenten twoa sagan da gewonnen èt en de Fabian èn we oak gezien. twos un boerejoar, da we twie coureurs herkenden.

nu goan we wiender bjorn zine picon gan utdrinken...

27-03-2016 om 18:46 geschreven door niki