Haj,
tis lik al redelijk laat, en toch zit k nog (altijd) ni in me bed.. Tis weer de week da mama nacht eeft, en kblijf dus weer veel te lang op. Dinsdag ben k met eloïse en elise (n meisje van saint germain) na brugge gaan winkeln (ma kherinner me dak da waarschijnlijk al gezegd eb )
An de pitn is r nx gebeurd, twas zelfs echt saai. Twas dus me varaes, eloïse, maarten (die bloentekop die nog int college eeft gzeetn), en jelle (de broer van giljan). Om te beginnen waren de jongens al n uur te laat in Diksmuide, en Eloïse en ik ebn dus meer dan n uur zitn wachtn aant standbeeld, ne dan moestn ze nog na de gb achter drank (jongens kunn under dus blijkbaar ni amuseern zonder drank..) Wadn dus e bak maes mee, e grote fles duvel en 4 krieks. Ma toen daw daar aankwaamn ist lik stief beginnen regenen, en Nieuwkapelle is nu ook wel nie ZO dicht, dus je sta ni in 5min trug thuis é.. En eloïse ad n paraplu mee, en we zaatn daar dus gewoon e beetje onder, ma twas bijna niemand die x zei, want ja, ik ken undr allemaal gewoon van zien, en eloïse zit wel met maarten en jelle in klas, ma varaes kent zie dus ook gewoon van up msn.. Kad van te voor me varaes op msn gzeetn en nad dan gzegd datn lik superveel vame verschootn was en al van die dingn, en misschien ad k r gewoon e beetje teveel van verwacht, want kvin da eigeluk wel nog e mooie jongn. Ma door daar in de regen te zitn adn we lik koud gekreegn en moestn we aal verschrikkelijk piesn, en dan zijn eloïse en ik bij n oude boer gan piesn, da was eigeluk wel e bitje kiezig, jzit doa just lik in the middle of nowhere en als r dan iets moest gebeuren, tzou t niemand doorhebbn.. Achter e paar uur waarnt we t daar echt strondmoe, en zijn we dus in de gietende regen terug na diksmuide gekeerd. Ton ew daar afgesprookn dawe vrijdag tzelfde gingn doen, omdaze voor vrijdag beter weer uitgaven. Ma toen dak thuiskwam merkte k dak voor thibault moest zorgn en dus nie meekon. Donderdag zijn brecht (delbeke) en kenneth ier lik geweest en ew e heel eind zitn babbeln onder e boom opt speelpleintje ier (weer in de gietende regen). Vrijdag ben k achter mn nieuwe asics geweest na de awa (-40%, en dus meer korting dan in de el paso voor dezelfde schoenn..), en dan ebk varaes enzo zien zitn op t terras vant brouwershuys, blijkbaar zijn ze toch ni naar de pitn geweest. Daarna zijn kenneth en brecht ier opnieuw geweest (warom weet k eigeluk nie, ma kben wel content dak brechtje trug meer zie) en webn opnieuw gwoon e beetje gepraat, o.a. over kenneth, die ze jaar opnieuw zal doen.
Zaterdag eb k nie zoveel gedaan, buitn geleerd. Vorige week adk per ongeluk gezegd teegn frans dak kon gaan werken, ma kmoest gaan babysitn na de Prootjes, en khad da dus woensdag afgebeld, en ommekeer beltn ier gistern vo te vraagn waar dak bleef, en ne zei dak daar al meer dan n uur moest zijn, en dan zei k dak afgebeld ad, ma ne geloofde me dus nie. Nis dan heel beginn roepn door de telefoon op me over t feit dak ant liegen was, en dat ie wel wist dak met e paar vriendinnen afgesproken ad vo allemaal af te bellen bij saint germain zodawe samen kondn uitgaan. En ik ma blijvn zegn dak echt nie kon, omdak moest gaan babysitn, en em dan in e colère de telefoon toegesmeetn.. Ken ier dan echt kwn oeveel zitn wenen, gewoon omdat ie me lik vals beschuldigde, en kben dan direct beginnen zoeken op de site van de VDAB ofdak nx anders en beters kon vinden als weekendbaantje. 's Avonds eeft mama dan gebeld nar em vo te zegn dak echt nie wegging en dak wel degelijk moest gaan babysitn en dan geloofde ie me en eeftn em waarschijnlijk wel 10x verontschuldigd.. Gisterenavond benk dan gaan babysitten en twas lik 1 van de leukste keren, kweetnie waarom. Vandaag moest k om 10u30 gan  werken, en khad eigeluk wel e beetje schrik om te gaan, omdak dacht dat ie nog altijd ging vies zijn.. Ma tviel allemaal wel mee. Eerst gewoon buffet tot rond 16u30, en dan vroegen ze ofdak wou blijvn omdatr om 17u e babyborrel was in de Orangerie, en dan waarn we daar me e stuk of 5 vo die babyborrel (ongeveer 60mensen, en allemaal snobs! Kleine gastn me mocassins en undr oar in e kuiftje me gel, moeders me veel te hoge hakn, schuddende gatn en ventn die heeln tijd over dure wijnen praatn..) Ma twas me Sofie (Neuville) en Ilse was daar ook, dus tviel wel mee. Eerst moestk gewoon heel de tijd drank geevn, ma ommekeer was k wijn ant schenkn, en 1 van die chichimadams lacht terwijl k schenk, en aar glas beweegt dus mee, en kgiet op haar horloge, broek en roze bloesje. (Ma kon daar dus echt nx aan doen é! Moet ki probeern te schenkn terwijl datr iemand ommeki binst e lachje ze glas wegtrekt..) Ze begint doa vaneign heel te flipn, en kon t echt nie lachn en kzeg op e beleefde (!!) manier dat da komt omda ze ant lachn was, en ze begint doa met eur hoge piepstem van: OOH! En tga nu nog e beetje mijn schuld zijn!?!? Mja, kwaarn echt heel vies, en normaal, aj morst op iemand ze kleern moej je telefoonnr geevn zodaze je kunn opbeln vo de kostn van de nieuwkuis te betaaln, ma ken eur gwn e natte en e droge serviette gegeevn vo da op te kuisn.. Pff, stroentwuf, wiejn peist ze wel daze is.. Kadn drect gin goeste mi vo nog wijn te schenkn.. Ken dan de bar gedaan, en kad da lik nog nooit gedaan, mo das lik echt wel nog geestig wi.. Pintn tapn, en dan aal de vuile glaazn in da rekje vo in de vaatwas steekn, vaatwas aanzetn, glazen laatn droogn int droogrek en ton weer netjes rangschikn in de kast,.. Tklinkt dom, mo twos wel nog sjiek..
Nuja, morgn gaak echt wel moeten leern, want vandaag ebk nx meer gedaan aan me wiskunde omdak veel te moe was toen dak thuiskwam. In de namiddag ebk afgesprookn me Lukas, ma kweet nog nie wa daw gaan doen. Sam doet nog altijd ambetant, en ne zend iedern dag van die stomme berichtn van datn me gern ziet, kweetn ton nie goed wuk dak doar up moetn zegn é.. pff.. Christophe trouwens ook, kgaan em wsl ma zien alsk terugkom van reis, ma eigenlijk wilt ie drvoor nog ki afspreekn, ma kweetnie goed, kzie wel.. En varaes gaak wel nog ki teegnkoomn op e fuif ofzo, ma jonas et gezegd dak er nx mag mee beginn (alweer..), omdat e player is.
Volgende week zondag vertrek k dus met t vliegtuig na Kreta, en kzie t eigenlijk echt wel zitn, tis zo e beetje tzelfde lik van jullie, ook e paar kleine appartementjes/huisjes en je kunt ook eetn bie die mensn, lekker rustig dus, nie ver van de zee, ver weg van t massatoerisme met e redelijk klein ma gezellig zwembadje, kziet echt echt echt zitn! Hopelijk valt t mee tusn mama en papa.. Nuja, wzien wel.
Kga je laten, ondertusn zijn we maandag (00u20) en mag k dus e briefje van je open doen! Yes
Hopelijk oor k nog snel iets vanje!
Kziejegraag en kmis je echt serieus!
Nu pas besef k oeveel dak aan je heb en oe speciaal daj bent voorme!
dikke zoen,
Charlotte
p.s: Iernaast ziej e paar van de dingn dak al gekocht heb, ma nie alles, me leuk topje zit lik al in de was, ma d'andere foto's volgen nog. Jkuntr wel nie zoveel van maken, ma keb geen fotograaf om foto's te nemen é terwijl dak ze aanheb..

Hallo
 
Khoop da me briefjes beetje gepast zijn. Kwist nie altijd wa dak moest schrijven, ma normaal is het redelijk goed op de dagen afgestemd.
Wast 't tof bie de pitn? Kben daar nu nog altijd nie geweest, manmanman, erg é, kga da echt nog keer moetn doen é. Eeft varaes em beetje gedragen? Want ak je zo hoor klapn, da wordt nog twa é. Hou me op de hoogte, want kben zeker daj achter die zwemmiddag wel teen en tander moet verteln! Brievn zijn goed wi! Kben ook bezig aan een voeje, dan kan ik meer op 't moment zelf schrijven. Nu eb 'k minder inspiratie.
Keb gehoord dat het weer in België goed is! SJiek é! Ier ist ook héél mooi weer, en echt warm. 40-45° tis nie normaal. Da maakt et wel lastig om savonds te werken maar tis beter dan dat et regent. Vandaag is wel minder, bewolkt en deze morgen wat regen. We hadden alles gedekt voor het ontbijt en twas opeens al nat. Maja,...glukkig at iedreen al gegeten en stak et nie zo nauw.
Momenteel moeten we allleen helpen in de keuken en op- en afdienen. Kuisen moet alleen tijdens de wissels, in het weekend. Isolde en ik zitten al vol spanning te wachten op de nieuwe gasten. :D. Voor 't moment zijn er enkele meisjes van onze leeftijd.
'S morgens om 8u staan we paraat voor alles klaar te zetten. We slapen om de beurt (met de gastheer en vrouw) uit om niet al te vermoeid te worden. Tegen 12u mogen we stoppen en rond 5u beginnen we dan opnieuw tot 11U. In onze vrije tijd bekijken we filmpjes, lezen we boekjes, zwemmen we en natuurlijk: zonnen we. Als we savonds gedaan hebben met werken mogen we ook nog een frisse duik nemen, wat echt zalug is! ZO onder de sterren, alles is stil, alleen de verligting in het zwembad. Een supergoede ontspanning voor we gaan slapen.
Tof dat je op reis gaat! Geniet er maar es van! Wie weet vind je daar nog kleren, en dan heb je iets dat in België niemand zal hebben é.
Goed dat je al aan je wiskunde bent begonnen! Das pas karakter! Kwens je der veel succes mee. Kben der zker van dat et je zal lukken.
DIkke zoen,
Ik mis je ook wi schat! X
Marie

Dag schattie!
Sorry dak nu pas trugzend, ma keb lik al e paar dagen de pc nie meer gzien.. Zaterdagaavnd eb k moetn werkn, en jasmien is ier drna blijvn slaapn, en wzijn veel te lang wakker gebleven, waardoor dak zondag echt versleetn was. Zondag benk gaan shopn me mama na de batjes in roeselare, en ken echt wreed schone dingn meehad, ken zelfs e roze t-shirtje meehad van armani, wiejn adr da nu gpeisd, ma tis lik echt wel keischattig. Vandage benk met elise en eloïse na brugge geweest, en keb gewoon NX gekocht! Zot é! Ken echt lik totaal gin dingn gzien dak mooi vond.. (aja, jowel, keb e bh van fila gekocht, e groenn, kdenk dak em mejou ook gzien eb als we maandag na brugge zijn geweest.) Kheb nochtans lik zoveel nodig é: e boekentas, sportieve schoenn, sletsn, e bikini vor op reis en kwou ook nog e paar topjes, ma dr was lik echt nx die me aanstond.. Khad nooit gedacht dak da nog ooit ging zegn, ma momenteel is roeselare veel meer de moeite dan brugge, tis in brugge lik aal undr oude brol daze verkoopn.. Nuja, morgn gaak met eloïse, floor, varaes, thomas en maarten na de pitn, tis toopn dat e beetje proper blijft ginter, want ze gaan achter drank en al van die zukke, dus kga best zorgn dak nie te vele drink. Varaes bgost lik ommeki eergistern fzo teegn me te babbeln op msn, en ne zei datn vrijdag keiard vele verschootn was vame, dak lik versneld zien bie int 3e joar *geeuwgeeuwblabla*, en nad dus blijkbaar gevraagd an eloïse aze wou vraagn ame dak morn ook meegaan.. Nuja, wzien wel..
Christophe zegt nog steeds gekke dingen, mja, klaat em doen wi, adn em daardoor gelukkig voelt..
Kmis je echt al superveel, en kverlang echt al teegn dak je terugzie! Kheb trouwens vandaag mn eerste envelopje oopngedaan, en kverlang nu al teegn dak t volgende kan opendoen!
Normaal gaan we binn e week fzo op reis, naar kreta, wgaan normaal morgen boeken, ma vandaag zat papa nog in Polen, dus kondn we lik ni boekn zonder dat ie da gzien ad é.. Kverlang echt massa's, tgaat daar ook wel warm zijn, en kga dan mss toch gin zukn super-bleekscheet zijn ak naast je sta in augustus.
Na 2 dagjes leren zie k t trouwens nog altijd zitn, gisteren alles van tweedegraadsvgl herhaald, en vandaag oefeningen gemaakt, en tgaat lik redelijk.. (Normaal moek alleen die dingen leern die op da blad staan dak gekregen heb, ma binst dak tijd en, doek gewoon alles e beetje die in jullie boekn staat..)
Kga je laatn, kstuur wel nog keer e langere mail/brief, ma nu gaak slapen. En kstuur je dan ook wel ukeer de foto's door van wat dak allemale gekocht en! (Ken bv ook e heuptas van Diesel gekocht, echt e mooin wi!)
Amuseer je daar en geniet er ook maar van é!
Groetjes aan Isolde,
Dikke zoen, kziejegraag!
Charlotte

Dag schat,
 
Alles goed?
Na enkele uurtjes op de trein kwamen we hier aan. De trein was met airco en al en twas ier lik redelijk warm, twas toch ff aanpassen. Toen we hier toekwamen zijn we direct beginnen werken tot rond 11u. Daarna in bed en morgenochtend om 8u stonden we weer klaar voor het ontbijt. Dat was echt leuk. Nu is het nog een beetje wennen en moeten ze nog veel uitleggen maar dat zal niet voor een hele maand zijn wi. Om12 u waren we vrij en zijn we direct int zwembad gesprongen. Tis hier echt héél warm en daarmee is het wel zweten in de keuken. Nu ist nog altijd pauze. Straks gaan we tafels dekken en helpen in de keuken. We wisselen een beetje af, elk om de beurt é.
Kga je laten, (nu eb je al es kort-nieuws), ik scchrijf je wel!!
 
Kus
HVJ
Marie

        
Dit is een onmouseover- effect. Als je met je muis over deze foto scrolt, veranderd de foto in een andere foto... Wil je weten hoe je dit maakt? ga dan naar: http://www.bloggen.be/zonnegroeten/archief.php?ID=87 

- klik op deze link, en je kunt gemakkelijk je foto's resizen, gratis en gemakkelijk!!
http://www.resize2mail.com/
*°*°*
-  op deze site kun je kijken hoeveel weesgegroetjes je moet bidden om  van een zonde verlost te zijn! Het werkt hetzelfde als google: je geeft je zonde op, klik op gewone zonde of doodzonde en op je scherm verschijnt hoeveel wees gegroetjes en  hoeveel onze vaders je moet bidden om van je zonde verlost te zijn!! Beestig leuk!!
www.biechten.be
*°*°*
- erger jij je ook zo aan rokers? Er is een oplossing!! Je kunt nu buddy worden van jouw paffende vriend(in)!! Ook Pim van Jimtv en An van TMF doen mee! Zij zijn elkaars buddy om te stoppen met roken. Vooral de tv-spotjes zijn best grappig!! Schrijf je nu in als buddy op:
www.helpeenroker.be
*°*°*
- Dit is echt een leuke site!! Geef de drie namen in van mensen op wie jij stiekem verliefd bent, en bereken je slaagkansen!! Echt leuk om eens te weten!!
http://www.stiekemverliefd.be/index.php?test=61182