Da es ier just een informatief spel, dus oast der doar missinge in stoan, schiet nie op de pianist, diene sukkelaere wist uuk nie, hoe dat hij op die viole moeste spele ze. Moar alé, ge muugt altijd een mailken sture, 't komt altijd wel ieverangst goe terechte. En oas ge een beke patience h'et, wordt uw evnement, of gezellig tuupe tegoaren zijn, zekerst uuk vermeld, en oas 't mis was, gecorrigeerd.Moare nie achter mijn vodde zitte hein, doar kannek echt nie tegen ze. Patience es nen schuune deugd, zei de nonne die tevergeefs achter uuren heere zat te wachten.
Veur vroagen en opmirkinge omtrent dien of dander activiteit, moede mij moar mailen, ‘k zal ulder tons zuu rap mogelijk de nodige info bezurgen, moar uuk nie pijze da de da twee uren vuur dat er wa in gang schiet moe doen hé. Mits dadde een beetsje op tije zijt, zulde zeker een antwoord krijge.
