Gebruik onderstaande knop om middels e-mail met mij in contact te komen.
Marcel Bouten
Hoi, ik ben Marcel Bouten en heb verschillende hobby's waarvan ik jullie middels deze site op de hoogte probeer te houden.
Dus kijk regelmatig.
Klik op de blog boven aan in linker kolom, om naar gewenste artikel te gaan
20-11-2011
NEW YORK MARATHON 2011 The whole story
IN NEW YORK, EVERYONE WINS
Dit is n oëtspraok det de groëte Noorse atlete Grete Waitz ( 1953 2011 ) oëits haet gedaon, nao ein van eur 9 euverwinninge in de NY marathon.
Eine marathon loupe, veur vuuël te wiët of te lank, maar n oëtdaging um met dich zelf aan te gaon.
Nao maonde van traine en veurbereiding waas t dan intelik zoë wied: op 3 november jl. vertrok ik met 60 enthousiaste kollegas naor NY um dao same die oëtdaging aan te gaon.
Taege dn aovend aangekómme in de groëten appel, miene iërste indrök waas euverweldigend en met niks wat ik toet noow toe gezeen had te vergeliëke.
Kinnis gemak met de res van ózze groep, aafkomstig oët Scandinavië en USA.
Um de saamhorigheid te bevordere waas dr veur dn aovend n diner gepland in t Marriot Marquis. t Restaurant waas gelaege op de bäöveste verdeeping en t moeje dr van waas, det t hiële restaurant in 1 oor tiëd 360° rónddreide, zoë desse al aetend ein zich euver de ganse stad kós kriëge.
Daornao euver Time Square en Broadway naor ós hotel gelope, gelaege aan de rand van Central Park.
Heej vónd dan ouk op vriëdaag n lichte training plaats, waorbeej al metein dudelik woort det heej t ind van de marathon wal zwaor ging waere, nl. berg op en berg aaf. Maar ja, det waas zörg veur de zóndaag.
Op zaoterdaag op Rockefeller Tower gestaon en ein nog baeter beeld van de stad gekrege, waat n oëtzich met det schoën helder en zónnig weer. Ónverstelbaar det de waek dr veur heej nog sniej loog.
Daornao nog wat door de stad geloupe en op 5th Avenue de shops bekeke.
Recessie is schienbaar toch wal aan NY veurbeej gegaon, gezeen de rieje met minse die boëte de winkels staon, t leek wal slangstaon in de Efteling.
Maar good, vuuël winkels zien 24/7 aope, zoëdet me ouk nog saoves laat de inkaupe kin doon.
Op zaoterdaag iërs n busstadstour gemak door alle bekinde wiëke in NY, zoë-as Greenwich Village, Little Italy, Art Gallery District, SOHO, etc. en ouk nog beej Ground Zero gestaon, de historie mak vuul indrök.
s Middaags t startnummer opgehaold en s aoves nao t diner alles klaor gelag en gemak veur de groëte daag.
Zóndaagmorge 6 November um 05.30 oor ging de wekker aaf, maar de meiste ware al oët zichzelf wakker gewaore. De renkleier aan en de tas veur nao de finisch nog eine kiër good gecontroleerd, alles beejein??
Toen de bus in en um 06.30 oor via de Verrazano-Narrows döbbeldecks brök naor Staten Island gereje.
De zon kwaam net op en verwermde lekker, idderein waas dr op ingesteld um zichzelf werm te halde door jasse, daekes en zelfs slaopzek.
Want de meus wachte toet 10.40 oor veurdet de letste Wave van start ging.
Gelökkig waas dr genog te zeen um de wachttiëd zoë aangenaam meugelik en snel te laote verloupe. Um 10.20 oor t startvak in en toen ging t richting de startlien.
En dao waas dan ouk geliëk t iërste kiepevel moment, n zangeres zet The Star-Spangeld Banner (volksleed USA) in, en alle 15.000 aanwezige ware moësstil.
Dan n kanonschot en ónder gezang van Sinatras New York, New York ging de meute de Verrazano-Narrows brök op, twië verdepinge met renners en n huuëgte verschil van 80 meter.
De iërste horde dus, links en rechts helikopters die filmde en n geweldig oëtzich euver de stad New York, die ós dae daag in de zon loog op te wachte.
De iërste 10 kilometer vloge um en inmiddels ware alle starters op dezelfde waeg oëtgekómme.
De kwaams ouge te kort um alles te kinne zeen, op elke Mile staond n band remmidemmie te make, en ouk waas dr op elke kilometer eine drinkpós met water en sportdrank.
Weej hadde ós name op de shirts en t veel op, det as de toeschouwers dae kóste laeze zeej dich det ouk lete weite.
Man, wat woorse aangemoedig.
De volgende 10 kilometers ware al weer veurbeej, óndanks de zwaorte van t parcours, n brök en vuuël vals plat.
Inmiddels al mien iërste voedingsgelletje genaome en de geloupe tiëd stelde mich tevreje, nog steeds op schema dus.
Mile 13,1 stónd op t bord, de halve marathon dus, al dökker de Venloup gedaon, maar dees 21 kilomaeters ware wal hiël apart.
Toen kwaam ouk t besef , toet noow alles good, maar dr kump nogens zón stök van 21 kilometer.
Idderein löp, en de geis mei in de meute.
30 Kilometer geloupe, weer voeding genaome, maar de zwaorte van de toch waas toch langzaam merkbaar.
Conditioneel alles in orde, maar de bein lepe langzaam vol en begóste ouk pien te doon.
Wake veur dae man met dn hamer, dae volges de kinners zoë rónd de 30 km steit te wachte.
Ik heb um echter neet gezeen, of bin dr naeve aafgeloupe.
Moëej al die wiëke wao we door kwame: Brooklyn, Queens, Bronx en Manhatten. Maar minder moëj de hindernisse, de Queensboro Bridge, wao gen ind aan scheen te kómme,
de Willis Avenue Bridge en toët slot nog de Madison Avenue Bridge.
Ik meus toen toch effe loupe, maar bleef neet stil staon, want men had mich op t hert gedrök, geisse stil staon, dan bliefse auk staon, bliëf in bewaeging waas t devies.
Waer op gank gekómme en de toch veurtgezatte.
Toen kwaam ouk t besef, ik kin t haole en mien eige grens verlegge.
Ein extra motivatie dus, de borde gove steeds miër Miles aan.
Doorgaon dus, neet opgaeve noow, net veur ik Central Park inleep verscheen dr op n billboard van 6 x 6 mtr. n foto met n baodschap van t thoësfront, waat eine opkikker. En det waas ouk wal nuuëdig bleek toen. Central Park loog veur mich en waas killing, asse nog laeve hads leek t wal of t dao oët dich getrókke woort.
Come On Marcel, Big guy, you can do it, dont give up.
Det soort óndersteuning van wildvraemde guuëf dich dan vleugels en motivatie.
Jao, dao steit t ech, nog 400 mtr. en dan is de finish, weer eine bölt oprenne en dan gloort de victorie.
Met de letste kracht geisse juichend euver de streep en danks daomei geliëk alle 2 miljoen toeschouwers naeve t parcours.
Geweldig en trots veulse dich, asse de medalje umgehange kriëgs, de hebs t gefiks en nemes pak det dich miër aaf.
5 Oor en 17 minute ónderwaeg gewaes en gezónd euver de streep gekómme, dit guuëf n voldaon geveul en alle traininge en kwellinge van ónderwaeg zien vergaete.
Maar ouk dinkse op det moment, ens maar noëits miër.
Druuëge en werme kleijer ophaole en truuk naor t hotel.
Flink stiëf maar nao n lekkere badbeurt, veulse dich alweer vuuël baeter en kwaam ouk t besef van de geleverde prestatie.
sAoves uiteraard alle bevindinge oëtgewisseld met de andere loupers ónder t genot van inkele flinke pöt beer, en dan bliek det ouk de gelauterde marathonners aangove det t hiël zwaor waas en det ouk zeej beej km 35 dr doorhaer zote.
Nog miër besef van de geleverde prestatie dus, en ein trots geveul euverhaers en stiekem al weer planne aan t make veur de volgende kiër.
Op dees wolk van euforie löpse nog inkele daag rónd, met trots dae groëte plak um de nek.
Dinsdaagaovend laat de vleeger weer in en op woensdaagmorge weer veut op Nederlandse grónd gezatte.
De neems aafscheid van de groep loupers waomeise dees tocht der tochte hebs volbrach en löps de aankomshal in.
Dao steit dan dien vrouw te wachte en brikse effe, emotie alom.
As verrassing waas dr dae avond thoës ouk nog n feesje georganiseerd en merkse pas wie betrókke en meilaevend dien vrinde zien gewaes de aafgelaope tiëd.
De bis weer gans thoës, en wets desse iets biezónders hebs volbrach.
Nog steeds ein bietje in de wolke realiseerse dich, Grete Waitz had geliëk:
Na wel altijd al aan sport gedaan te hebben ben ik zon jaar of 4 geleden begonnen met Running, dit werd sterk gestimuleerd door mijn werkgever PON. De afdeling PONFit had als taak om de gezondheid en fitheid van de medewerkers op peil te houden en om zodoende het ziekteverzuim terug te dringen. Hiervoor organiseerden zij regelmatig Running clinics, maar door de afstand ( vaak meer autorijden dan trainen ) ben ik hiermee op eigen houtje gestart aan de hand de trainingsschemas van PONFit.Ook het kijken naar de Venloop gaf een boost aan mijn wil om ook eens de halve marathon te gaan volbrengen. Zo kwam van het een het ander. Running werd leuk, was hierbij niet afhankelijk van andere en werkte naar mijn eerste grote wedstrijd toe, de van Dam tot Dam loop in Amsterdam over 10 Engelse mijlen op 21 september 2008. Hierin gingen we met een 60-tig tal enthousiaste Ponners aan de start, tussen 35.000 andere loopgekken. Tot die tijd had ik de 10 Km grens nog niet overschreden en was daarom ook behoorlijk nerveus of het wel ging lukken, na 12 Km deden de heupen zeer en wilde de benen niet meer, maar door het publiek werd je er doorheen getrokken, uiteindelijk werd de finish gehaald in 1 uur 38 min. Het virus had me te pakken. Er volgde nog diverse lopen zoals Bridge to Bridge ( 2008,2009 ), 7 Heuvelenloop ( 2008, 2010 ), Contour Run op Velden ( 2008 ), Venloop halve marathon ( 2009, 2010, 2011 ), van Dam tot Dam loop by night (2009 ), OCE loop ( 2009 ), Zandvoort Circuit Run ( 2010 ), Horster Night Run ( 2011 ), Knopenloop Baarlo ( 2011 ) en van Dam tot Dam (2011 ).
I did It, op 6 November 2011 in New York de marathon volbracht. (lees verder op deze pagina het hele verhaal )
Een van mijn hobby's is het maken van glas in lood ramen, voorzetramen, hangers ed. Ik ben hiermee begonnen toen wij zelf glas in loodramen nodig hadden. We hadden nog oud glas in lood liggen van oude ramen en hiermee ben ik toen aan de slag gegaan. ( oefenen, oefenen en nog eens oefenen ) En ik moet zeggen dat na wat aanvangs problemen dat het steeds beter ging lukken. Nog wat speciaal gereedschap aangeschaft en een ontwerp gemaakt voor onze eigen ensuite deuren. Glas uitzoeken en starten maar . Inmiddels zijn er al veel ramen gevolgt, hieronder zie je nog wat meer voorbeelden.
Maar er is meer mogelijk, dus heb je een raam, voorzetraam of hanger nodig, laat maar even weten wat je wensen zijn en ik zal je geheel vrijblijvend laten weten of ik het voor je kan maken en wat de kosten zijn. Stuur een mail of bel 077-3824850 of 06-53250885