Ondertusn zik were op weg na melbourne, jawel het kriebelt :) kun haast nie wachtn om daar te arriveren! Weten dat er prachtige plannen opt menu staan:
als aperitief:
een kleine portie van winkels bezoekn met rondhangen int stad met een snuifje sfeer, geserveerd met aperitief bij xavier en eridani...
als hoofdgerecht:
een schotel genaamd: de australian open! Met een wolkje van clijsters, henin, Federer en Nadal... dit is een zeer spicy menu, niet geschikt voor gevoelige magen... De gehaktballen kunnen nogal hard aankomen...
als dessert:
Een creme genaamd: St Kilda. Op een handdoek lui aan de zee liggen en bekomen... dit wordt geserveerd met enkele zoetigheden en drank naar keuze...
als degustiefje:
een zeer straf drankje genaamd: uitgaan tot je niet meer kan met aurelie en some germans!
at da geen menu is om U tegen te zeggen... :)
je zou vo minder verlang om were te gaan he :D
ooo... en daarachter gak naar New Zealand om daar zo'n 15 dagn te tjoolen :)
Life is life! (na naa na na naaaa... :D )
wuk ek dus de laste 10 dagn gedaan?
Ewe wen dus e goeie 10 dagn verblevn in Sydney en ja... kmoetn eerlijk zijn tet ebitje mi teleurgesteld...
Buiten daze daar da operahouse hebn en die grote brugge, is er daar voor mij persoonlijk niet speciaals... de mensen zijn er enorm Posh, alle is er chique, de mensen zin der nie zo vriendelijk...
kortweg... nie geheel min genre... sydney jah... ti wel schone, ma te me nie overdonderd. Der zijn veel stranden, veel surfers, veel uitgaans dingen maar nie mijn ding. Ken dus het meest van de city bezocht ma het kon me maar weinig boeien. (tkomt misschien omda melbourne me van me stoksje geblazen et...) ma soit...
In Sydney is er maar één 'alternatieve' buurt en tis oxford street... het is 'de gaystreet' van heel sydney.... immens grappig want er hangen overal grote regenboog vlaggen en iedereen is daar zo preus op, met andere woorden, er loopt daar wa rond wi ... :) ken ezo ook e avond me serieus vort gelachn: we waarn in e gaybar (de 'fancyest' one...) en je zoet eki ol die venten moetn zien dansen... man man... ze hadden meer vrouwelijkheid in nunder dan ikke :D, mo kmoetn toegeevn, daar voeldek me vele meer op me gemak dan in ol die andere posh toestanden...
we verblevn in e appartement, en e korte beschrijving van da appartement: aze mi ging gezeit en: ei, anne, zen ier een doodgedaan, ewe, ke ging het geloovn :D mo vuil en olles overoop, rare vlekken op de vloer, en in de hal beneden, e sterke geure van pis en nog al andere onaangenaamheden... shittt...
dus ja... da was Sydney, ke ga daar wel nog were gaan, just achter het nieuw-Zeeland avondtuur... en ke ben van zin om daar lik nog e grote week te blijven bij Aurelie en Manoe en nog ebitje te surfen. :)
In melbourne ondertussen, aaaahhhh... das vollebak genieten he... en ben ondertussen gegaan naar de aus open. Voor je een idee te geven hoe groot het is: het lik 10 x de grootte van jumping mechelen. Nie normaal...
We hadden een pasje voor de Rod Laver arena en daar ek e match gezien va Clijsters en Nadal en vele anderen waarvan dak de name nie kan lezen latstaan uitspreken.... Da was nog schiek wi! En de ambiance die daar hangt... nie normaal! Ke zou nu al graag vertellen wat ze daar allemaal roepen, maar kben er zeker van dat nie zo mooi gaat uitkomen lik ofdak het zal vertellen... dus... jullie hebben allemaal nog e roepsessie 'aussieopen' tegoed van ik. :) hehe met andere woorden, ke me daar vort gelachen alleen al met gene dat ze daar roepen.
Achter die arena ek e match gezien van Wickmayer. Man man... tope met e paar van Roemenie emme daar staan roepen tot damme niemi kostn... en de domste dingen eerst.... jawel...
Zegt Sandra (va duitsland dak 2 maand eerder ol leern ken e in ander stadje): de tennisspelers hebn veel aan supporters, alene doen ze lik ofda ze nus nie horen, ze negeern nus. Ma int geniep oorn ze alles wat dam roepn en zegn.
Ik zien iemand diet eerst wilt zien en dan geloofd... ke ga nie zegn wat dak allemaal geroepen heb, kzal da houden tot dak thuis ben. :) gewoon vot effect... en het effect dat gaf op wicky... jah... tgevolg is dat ze moeste beginnen lachen en daze nu en dan keek int publiek :) met andere woorden... we bleven nie onopgemerkt... :D en jawel...achter e bitje qualitytime ek e foto met Wicky!!! :D
We hebben daar zoveel gedaan dak het nie allemaal kan schrijven... Ti's gewoon te veel ... :) van het ene kluchtige voorval int andere... :D
ken ook andere dingen gehad namelijk ken 2 volle dagen geleefd lik e dakloozn :) jawel, tis een styl appart. Kmoetn eerlijk toegeevn, aurelie en ik wistn de eerste nacht echt nie waar dam gingen slapen, en dat is toch ebitje raar wi... maar we werden opgevangen door de franse maten die wij opgevangen hadden in kerst... dus ja :) zolange dam maten hebben en makander geern zien... want uiteindelijk... daar draait het allemale rond...
en achter mijn 'homeless period' ek e hostel in mijn teerbeminde Fitzroy. Ke voeln me der zoooo thuis... jawel... ondertusn treknke op met mijn duitse maten (Sandra en Katia) :) twa kluchtig.... junder a me gistern moetn zien rondlopen... twas de 26 januari en tis hier australian day! Das e goeie reden om overal fake tatoos op je hoofd te zetten en rond te lopen met een vlagge op je rik. Op federation square (ti lik de martk van poperinge, mo heel anders) waar iedereen samen komt als er iets te vieren valt, hebben we onze tenue aangetrokken. Ol rappe moesten we poseren vo chinezen, indiers, en nog e heel bataklan... ke voelde me lik e attraktie.. (okee...we zagen er ook wel ebitje onozel uit, maar twas australian day en niemand kent nus, dus waarom nie?...) we waarn lik modellen want de mensen vroegen kun je eki met je benen gekruist staan? Of misschien met je vlag tussen de benen? Of nee, je arme in je zij, de vlag op je rug langs de zijkant en heel onschuldig kijken!
Ke weet nu ook were da modellewerk niet vo mi is... ke namelijk nie zovele patience... koste nie lang genoeg stil staan en ke waarn ebitje onder de indruk da er echt veel mensen foto's wilden pakken...
We hadden er al rap genoeg van en we hebben het dan maar verlegd naar de bottleshop :) e heeln zak wijn emme gekocht :) en we zochtn ebitje entertainment en we waren op weg naar de bottanical gardens waar er enkele optredens waarn. En op nuzen weg passeern we bij het tennis gedoe en we zin ant klapn oe damme daar zouden kunnen binnen geraken zonder passje. We waarn ol alle mogelijkheden ant afwegen en sandra durfde nie echt omdat zo groot is en zooo beveiligd is... dus we hadden er nus ol bi neergelegd da we daar toch nie gingen gaan en ommeki doet er e madamtje nus stoppen en vraagt ze:
do you girls want to go to the tennis today?
me reactie: ooooh Yeah!
zegt ze: here I have 2 tickets, I can't use them, take them.
stilte... (welgeteld e halve seconde.... ma twa toch even stil...)
wij: Ok, we take them! :D Thank you very much!!!
ikke: You're my hero!!! aaaaahhhhh :D
AMME WIEDER GEEN GROTE PIETZAKN ZIEN!!!!! shhiiiitt.... nie normaal... we verzeker de eerste 2 uurn lik 2 kleine meisjes rondgelopen omdammet nie kosten gelovn!!!
het nadeel was... wan juist e zak wijn gekocht van 4 liter.... en jap... je mag nie je eigen alcohol meedoen naar binnen... (gif toe.... tzou zonde zijn om da weg te smijten of toch alles op te drinken in één ki...) en voor ieder probleem bestaat er een oplossing... :)
ik noem het: 'wijncammoeflage' :) oooh yeah... als ervaren festivalganger ek ondertussn ol de kunstjes vant vak onder de knie en lik nog gn 5 minuten later waren we binnen met ol nus hebben en houden :) SCORE!
Er wordt gezegd da iemand zijn hart kan verliezen in e land, stad of aan iemand, wel... ti zoverre... ke zi mijn hart verloren in Melbourne. Koorn jullie nu allemale peisn: 'ooo zet e lief!!!' neneneee... ke zin namelijk smoorverliefd op Melbourne, meerbepaald op Fitzroy.
Fitzroy... jawel, ken daar lik e grote 2 weken gewoond, tvoelde meer dan thuis. Kort woordje uitleg: Fitzroy is een alternatieve buurt, vooral vol kunst, muziek, kleine bandjes worden er groot, café's met iedern avond live muziek, mensen van alle genre's maar vooral, hoe gekker, hoe beter, je kut er jezelfn zijn, vo mij kortweg e plekke dak kun zegn: home (geloof me, ke zegn da nie rap...)
dusss... Melbourne, jah da was liefde opt eerste gezicht... ken daar kerstdag, nieuwjaar, tleven en zoveel andere dingen gevierd... ti de plekke waar dak enkele memorabele momenten beleefd en lik:
de beste live jazzz bandjes gaan bekikn/belustern,
massa's lekker eetn va chinatown,
e mega schieke roommate (zie verder),
christmas on the beach in festival style,
bika doodgereen zin in chinatown,
nieuwjaar met het schiekste, grotste vuurwerk ooit,
de mooiste, schiekste mensen leern kennen,
mega schieke pub's op de zotste plekn ontdekt,
alle soorten mensen, ma echt alles mag je verwachtn,
mega vriendelijke mensen...,
en jawel, daar ek e paar katers at die serieus de moeite waarn :D
achter kerst moestn we in e flat verblijvn waar er 2 mensen (e koppel) waarn en de eerste avond, jah, ol e groot welcome, ma twa iet raar aan die 2 al kostek nie direct zegn wuk... nu ja, dien vent bleek e muziekant te zijn, vooral jazzz... met een enorme dikke buik en met e nekke die mo bleef zwellen... en da madamtje, jah... zwa vriendelijk... ma blond en zad een f*cking witte katte... toch ebitje raar de eerste indruk kuje peisn...
nu de eerste avond, iedereen is vriendelijk, doe zin beste, en da koppel begoste ol direct te roddeln over nundern andere roomie, e meisje va new zealand. Blijkbaar ging ze terugkomen in de eerste week mo ja... kvon da toch ma e raar koppel. Nu, we begun muziek te speeln, dien kerel me zijn keybord, en ik metn gitaar. Der was mo 1 prob... ne wilde gn pop liedjes speeln, ne vond da kinderachtig... mo ne was dronke genoeg om da toch te doen en ezo em ebitje tope gespeeld en gezonden... twa nog schiek, kings of leon, rihanna en me e me gitaar met e snuifje jazz derin, en twee stemmig :)
De dag erachter, waarn ze ol ebitje minder sympatiek... dien kerel at e immens ochtend humeur... zes ik koste daar vroeger gn lap aan legn... shiiittt... nat e kater of e peisdet... ke wou em zegn: aje nie ku drinkn, drinkt nie é ... mo e nat gevaarte gehalte van e sabeltandtijger... dus... mond houden was de boodschap... :)
da madamtje at e witte katte.... twa lik neur baby, rotverwend en twa nog e stomme katte op denoop toe. En ze mochte nie buitn, of nie binnen, t hing al af vant were.... man man... mensjn kun toch achterlijk doen at over beestn gaat wi...
Da koppel vond us achter e dag of 2 veel minder sympathiek, omdam ja, die katte per ongeluk buiten lietn (da stik crapuul dei zelve de deure open... en jup, kent over de katte...) en omdak ik zuk e 'kattemens' zi... ak ze eki weggejaagd... ze ging lik mijn eten opeetn, krabbeln of geweun te dichte va mi komn... vaneiges ek da suptiel gedaan :) butn jah... hehe één ki... ze ging binnenkomen in de badkamer en ke ging ze doen verschietn... ke verrasn ze van ol achter en ke geevn ze e schuptje met me voet i neur gat en ze verschiet daar, springt daar weg, gift e schreeuw en tot overmate van rampe vliegt ze op de wasmachine die juist ant draain was. Ze verschiet were en kikt ze nie waar daze lopt en lopt op e stoel, met de staart tussen de benen, lopt ze rechte na de madamtje, e springt op eur rik.
Jat ze daar moetn zien zitn, lik e kindje vies ant kijkn na mij... da madamtje vaneiges in paniek, en zegt ze tegn ik: 'what did you do?!!!' ikke: 'eu... she was surpriced?' :) en ja... ze wa nie kwaad of zo, en ze gaat naar de kamer, ol klapn tegen neur katte en de katte keek na mi met e kop lik: HA HA kga je int zak zetn!! De miete... ka nog nie eens hard geschopt, ak het geweten, ka beter arter geschupt!!! dus ja... mo geen probleem, tkoppel ging weg. Dus... appartement vo nus alene!
In de middel van de weke kwam da missje van new zealand. Da was nog eibjte e speciale wi... en ak zegn e speciale, ist ezo. Ke peisde teerste moment, mo wuk eze ier binnen gesmeetn... immens schiek gekleed, in vintage style en ke gan ton nog nie begun over de woordenschat daze gebruikt :)
En achter e dag of 2 wast me maat :D wen tope uitgewist, zis crazy in the coconut! Kompleet zotgedraaid! en lat me geweune zegn, wen e paar turbulente dagn at :D man man... kortweg, e mens die me bluft fascineern... !twa schiek wi ...vooral aje e paar dagen achter makaar wakker komt met olle 2 e dikn kop... ambi verzekerd!
In die dagn ek lik e paar belangrijke beslissing gemakt... zegt Eridani (jep ezo noemt ze en ken der precies 7 dagn over gedaan om da te kun zegn en tonhouden...) : stay here for the rest of the month, you can stay in my bed, you don't have to pay rent, I will show you Melbourne, I will make it interessting for you, we will have a blast of a time and you don't pay anything! It will be boring for me if you go away! ......aaaahhhh... aaaaaaahhhhhhh...Aaaaaaaaaahhhhh... my lovely kiwi..... en ezo zoek kun deure gaan... :)
mo... ka ol lik 2 weken in melbourne geblevn en jah... kwou ook na sydney met de french people dus ek da vriendelijk nin gezeit en ka ol gezeit dak ging were keern achter lik 10 dagn en zegt ze: 'come with me to New Zealand!' En ke zegn: 'ja!' Voila, ezo kommek bi de meest impulsieve beslissing dak tot nu toe ol gemakt e in me levn... 2 dagn later ek me ticket geboekt :D
en ton kwam de tijd dak melbourne moeste verlaatn... verdikke... kpeisde dak koste bleetn... tdeed meer zeer ofdak peisde. We waarn nog nie uit stad en ka ol heimwee nat stad, twere, de sfeer en de mensjn en me kiwi...
Ondertusn zik gestopt met paintings te verkoopn, de gast van israel is nimi ant mee reizn me nus... tging nimi... zuk e egoist vint... kmoetn zegn, ke komn nie rappe tende, mo de laste dagen, ke serieus op mijn tanden moetn bijtn!!!
Dien kerel voldeed aan alle stereotypn van e jood... ti vreed... geld geld geld, lui, e net e hekel aan vrouwen die doen daze wiln, gin bitje affectie, vriendschap gebaseerd op geld, egoisme tot e met en e peist datn de bestn surfer is va heel israel... NOT! En nis jaloers op mensen die wel etwod kun verkrign zonder ervo te betaaln. OOOO nog etwot dak zeker nie kun laatn... Net e neuze waarmee datn zou kun werkn in e bakkerij als snijmachine vot brood, en oren waarmee datn ku skydivn zonder parachute en.... ne was nog eki kletse op den oop toe...
griet jong..., je zou nog ebitje kun schietn tegn zun oorn wi... :) je zou noois misn! je zou je alene ol amuseern al na zijn oorn kijkn :D
ke moest int appartement e kamer delen me meneer... en der was mo één bedde... meneer zei: 'yeah, I sleep in the bed, you on the floor...' vaneigens dak het daarbij nie ging laatn en eerlijk lik ofdak zin: 'ei, you are the guy, you should sleep on the floor! Your not a gentlemen, you will never find a girlfriend if you keep acting like that!' (ai... gevoelig punt vo meneer.... :D )
Weten da onderhandeln zijn tweede name is en ik nie mijn kop wil leggen, een korte beschrijving van me dialoge met nem:
alex: but I can choose first cause I'm the oldest one...
anne: ooo no, I can cause it's almost my birthday...
alex: really? When?
Anne: 20th of may...
alex: but that is no reason it's still so long!
Anne: it's the same stupid reason that you give ... pfff the oldest one... it's not because your older that you're wiser...
alex: hehe... owkey, fair enough... your not easy for a girl...
anne: and your very selfish for a guy... :)
alex: you really can't lie do you?
Anne: I'm so honest like a pony :)
alex: anna, you're crazy in the coconut...
anne: I know, thank you :D
achter 4 dagn ek em persoonlijk en zeer vriendelijk uit da bedde gezet deur ol me bucht op da bedde te zetn :D nat ton nog eki werk om alles 2 keer te verhuizen :D en blijkbaar zik het eerste meisje die em dus ku doen verhuizen he :D en da gewoon omdatn peist dak ''echt zot'' zin in me kop :D hehe ne moest ossa lachn ak etwod dood eerlijk recht vo de rape zei tegen etwie of tegn em.
Das etwie dak eigenlijk nie ga misn... ooo ja.. het toppunt :D bahahahaaa tzou mega zonde zijn om da nie te vertellen... :D
achter min 2 triomfantelijke nachten in mijn queensize bedde, ek e nacht geslaapn bi me kiwi (te moe en ebitje teveel in de wind gelopen om nog in me eigen bedde te geraken...). Vaneiges snuchtns wastn daar: yeah... anna.... look, you didn't sleep in the bed, and yeah... I slept on the floor.... en nog e noop gezever... e vordatn etwod koste zegn ek gezeit: no, you don't sleep in the bed. Voila... mo aangezien datn zo geern onderhandelt en begoste te zaagn ek gezeit: no alex, I don't want to talk about it, I'm having a hangover and if you continue, I WILL have to puke and believe me, you don't want to see that! :D
net ton ma wijselijk gezwegen... :) 2-1 vo anne!!!
Gistern ek lat us zegn e ongewone kerst at. Wen namelijk nat strand gewist, pintjes verzet en gedanst opt strand. Kortweg, twa lik e festival :) keirart schiek ajet mi vraagt :D 's avonds waarn we ook ollemale in forme en ja, vant een kommet ander enni... tzei ommke één: ei, gam e drankspelletje speeln? ... oe kuje da aanbod weerstaan?... dus ja... twa ol vree schiek tot vanunchtnt...
Hello sunshine!
das normaal me favourite zinnetje dak zegn tegn iedereen akke opstaan, ewe nie vandage. Miljaar.... vandaag is me eerste kater dag in aussieland. Miljaar... ke voeln me lik e scampi die veel te lange in de panne gelegen et... (of oe dat ook meugt voeln... ti slicht!)
Mijn goeie vriend meneer de kabouter met zijn hamer, ja... ne zat in me hoofd en deze keer wastn nie alene tegen me oogballen ant slaan, maar e was heel de binnekant van me scheleltje aant bewerkn... pfff... (en e wist van geen ophouden, if you know what I mean...)
man man... da gevoel ku nie rappe genoeg over zijn... en dankzij mama's voorzorg om e hele apotekerie in mijn meuzel te steken en de doze motilium te attakeren peisdek va rappe genezen te zijn... ewe... 2 motiliumtjes later... (je ku noois genoeg van die dingen pakken at over je mage gaat...:) )mmm... da maakte toch gn verschil uit pfff.
Ke loopn nan zetel om voor nuzn mega grootn TV te zitn en het eerste dak zie is de paus die binnenlopt in ze messe. Hehe e nis lik de Lady Gaga onder de pasters :) net ook zuk e raarn hoed an e me ze lank kleed... en ne zwaait me zijn handtje met e smile op ze kop... man man... ne lopt daar met het glamourgehalte van madonna... kom slicht van zukke schijnheilige mensn... en over slicht gesproken... momentje...
aaaaaaaahhhhhh voila, het ijs is gebroken... da was mijn eerste braksje van de dag. Da ku toch deugd doen! Ke wel moetn rappe doen... shittt... ka bijna de badkamer gemist... Ke vo mezlfn beslootn dak wijselijk int appartement ga blijven vandage en in me bedde ga blijvn. En jawel... het beste van al: kent appartement vo mezelfn :)
en aje je nu moeste afvragn waarom dak ier in godsname over spugn schrijvn... jah... vele mensn e soms eki tzelfde probleem hier, en ja om het 'taboe' hehe te verbreken rond da topic hehe NOT... ke voeln me geweune vol inspiratie en ke moestn da nere schrijvn enni.. ti eki etwot anders dan overt landschap, de mensn, het moet nie altijd hetzelfde zijn enni... ;)
voila... 3 uur later en nog even slicht(er) en nog e spuugsje later ke zijn bika zeker da alles na me hoofd gepompt wordt enni want ier down under,... pfff ti misschien omdak onderste boven hang op de wereld dat da ol uitwerkt op je hoofd... ken ondertussn nog 4 motiliiums gepakt en lat us zegn dak me nog beter gevoeld e... ooowww
wow... deze ki ek de badkamer gemist... lang leve de lavabo!!! ondertusn zitke int stadium da het 'landschap' geel is... man man... das doodgaan!!! ma ok, ke ga probeern iets te eetn ol ek geen honger... 2 beschuitjes met gelei... mmmm freezn...
voila de anderen zijn bijna were en ke ga e douche pakn... het kan zijn damme e barbie doen met die mens die da huis ier heeft... pfff ke gn honger lat staan dak iets kun riekn va drank...
shiitt... ke ging na de douche en ke zelfs mo e glimp gezien van de wc pot.... en jap... ikke versus de wc... de wc heeft gewonnen.... man man... me mage e vele weg van e nechte dancing queen... ondertusn ek het motilium dieet opgegevn...
nu zim were nunchtnt en je raad noois wuk dam 's avonds nog gedaan en.... :) jawel ik met me crapuul van e mage op stap deur melbourne. Die mens wou ons per sé de clubs van melbourne laatn zien. Pfff ke peisde dak overal ter plekke koste spugn... ma da ek nie gedaan... ken mega schieke dingen gezien, de meeste clubs zijn op de onverwachtste plekn, ze maakn der e sport va om nunder clubs te verduiken en op de meest rare plekn moeie ze gaan zoeken.
Ezo zim vanboovn op e appartementgebouw beland... schiek wi :) e schiek zicht, goein muziek en de mensn zin zo raar gekleed... iedereen et zijn eigen stijl... en je meugt je rare dingen voorsteln wi... lik ken e cruella de vil gezien... ja ja!!! met alles derop en deraan... zelfs het haar ;)
en we zijn eindigd in e club waar er e live Jazz bandje ant speeln was. Mo vint... da was het beste staaltje jazz dak in me levn al oort en... blijkbaar treden er hier massas kleine bandjes op en overal, op ieder hoeksje van de strate, in iedere club, ze zijn ossa ant speeln... man man...
achter e goei danspasje (want je koste echt nie stille staan op die muziek... veeeeel te goed!!!!) en e paar cola's later voelde ke me were beter... ke wilde nie naar huis zolange da dat bandje ant speeln was... twa echt zooo goed... jazz met e extreem hoog rock and roll gehalte... man man... de gastn ier beslootn om pizza te bestellen... en ke me aan e stuksje of 2 gewaagd en jawel!!! genezen!!! :D
je ku nu zegn... ja aje zo ziek ziet gaje toch nie uit?... ewe das waar... mo ke zou anders ook gn an-sofie noemn enni ;) kmoetn wel zegn dak immens afgezien e... shitt... en wat hebben vandaag geleerd? Mingelt noois gn tequila en whisky!!!!
Nieuwjaar en kerstdag komt eraan, en jawel iedereen is em ant voorbereiden, wel ikke ook. Ondertusn hebbn we port Lincoln achter ons gelaatn en zim op weg naar Adelaide. We gaan daar verzekers e weke of zo bluvn, ti te zien oe dat gaat met de painting business :)
voort moment kuk nie klaagn, ku kun altijd schilderijen verkopen. Man man... je zou het soms eki moetn oorn... junder zou lachn... at er nu één is die er de cocosnoten va kent, ist ikke wel :) mo geloof me, ti lik echt :D
ken ezo moetn uitlegn oe dak da sommige werkn gemaakt e, bijvoorbeeld der zitn der tusn met sylicone het zijn dansende balerinas :), ke zegn ossa dat sylicone is daze gebruikn in operatiezalen :D bahahahaaaa je zou ze eki moetn zien kikn... hele verwonderd, voeln an da schilderij, en ton zegke der altijd bij: look madam, you can still see that the painting is fresh, you can touch it, you can smell it, you can feel it, you almost can taste it! :) en ki vo keer staan ze te knikken lik ofdak het evangelie zit voor te lezen. Man man...
de clou is om heel zelfverzekerd over te komen, wetn wuk daje verkoopt, en ja wij noemen het: kunnen bullshitten :)
één ki et er e vent gevraagd, ma waar haal je gie in godsnaam sylicone daze gebruiken in operaties?t'enige dak koste bepeisn was: it's all about connections sir....( ke peisde shit he, deen ziet da ier dak ant zevern zin he... miljaar e nu???....) ke keekn na dien vent, kprobeerde nie uit me rolle te valn en ke toverde e smile op me aanzichte met knipperende ogen.... en ne geloofde het helemaal :) kwa verzekers lik e schaap ant kikn :) hehe
jah, ondertusn zitke in de auto, onze rode caminete. Ken nog het caminetje nie beschreven, grote zonde.. ewe, ti dus rood, verschrikkelijk oud, de kabels hangen uit de dashbord, de deuren mag je nie te hard toe slaan anders krig je ze nimi open, at er bubbels zijn op de route, oor je het hele hebben en houden (vooral het ijzerwerk aan de onderkant) kraken en piepn, der zijn 3 surfplankn opt dak (en 1 vanbinnen...), er hangt 1 achteruitkijkspiegel hele scheef (kdurf er nie aankomen omdak peis dat ie gaat afvallen...), aan de binnekant van de auto is er e 2de verdiep geconstrueerd.... kortweg e roos net en daar hangt tuig in... (nie zo ideaal ajet mi vraagt... vooral aje wit dat elastisch is, dat er soms eki bubbels zijn in de route en heel het net met alles erin tegen de bovenkant van je kop slaat...
kun ezo zegn dat nuzn gitaar ol vele gespeeld et hier in de auto... alene niet met de snaren maar met de volle kast lik e drum op min hoofd... :) Viva la musique!
das int kort wuk da nuze fameuze rolls rolce is. Mo we zin der allemale zot va! Ti over e half jaar e brokke antiek! :D ma trijd nog lik mercides :) wuk moem nog meer en? ...
ondertusn ek e vree rare uitslag op me vel... het zijn massas bubbels (mo echt overal op me vel) en ja... het jeukt dat gin name et, mo akke der ook mo peisn om aan te kom, ist lik ofda me vel in brand staat... met andere woorden, bezigheid alom! :)
en lik ofdaze zegn, wat komt, verdwijnt ook were... ewe, das wuk dat er gebeurd me met rash... :) tis weg! En ondertusn zijn we in Victor Harbor, de latste stop voor melbourne, nie vele speciaals, mo nice om te surfen!
Jawel, kheb mijn eigen surf gerief gekocht!!! da houdt in e wetsuit en e board :) ke zin nu lik e nechtn :) er is hier één beach waar damme kun surfen, en ja, aje moe kijken naar anderen of met e bobyboard (een verkorte surfplanke) moet rond peddeln, jah... das saai, daarmee dak me e board aangeschaf e :)
het surfen... ja da is inderdaad zo schiek lik ofdaze ollemale zegn, alene... ti verdomme lastig! Pfff de zee hier waar damme kun surfen is bijzonder wild, (vooral de laatste dagen ist hier niet te proper weer...) dus da heeft effect op het water, ewe, kun je zegn, ti de moeite. Der zijn golven van lik 4 à 5 meter hoog. Dus ikke als beginnende surfer, je zou het moeten zien... (weten dak nie de eleganste zwaan ben...) man man...
het peddelen alleen ol is e kunste :) ikke versus de golvn :) en int begin moei ebitje je planke kun aanvoelen vooral tegen de golven (da gevoel miste ik...) dus ging ik meerdere keren ondersteboven, top over kl*ten, achterstevoorn, met 3 liter water in mijn mond/maag int water, tegen de vlakte, het zand. Jawel, twa lastig... maar lik ofda mijn leuze is: no balls, no glory he...
maar weten dat ik graag voor ieder 'lastig' probleem e oplossing zoek, heb ik één gevonden, namelijk: in plaats van de peddelen, loop ik tot zover het gaat. :D Zelfs dit is gevaarlijk, vooral als je denkt slim te zijn en je plank voor je te houden terwijl er golven afkomen... ne nee... achter e keer of 3 mijn board tegen mijn voorhoofd te laten spoelen en peisn daje voorhoofd dezelfde grootte et van da van frankenstein's voorhevel (laat staan het gevoel...), weet ke daje de planke het beste laat achter komen... ;)
ewe achter e paar dagen, welgeteld 2 :), kostek rechte staan!!!! (dit voor miss 3 sec, mo ke stond rechte!!!) maar het bluft moeilijk! Ofwel miske de golf, ke ga ofwel nie rappe genoeg, ke sliern ol de andere kant va me board were of, akke wiln rechte staan bluft me voet steekn, akke me wiln rechte duwn gletsnke uit en volke op mijn aangezichte (ak sjase e int water, anders op de planke :) ) dusja, ti ossa etwod! :D
en ze blijven hier maar zegn en volhouden dat zeewater enorm gezond is... wel tis misschie juist voort vel en vo je haar maar voor de binnenkant vant menselijk gestel kant nie vree goed zijn... (jawel, kweet waarover ik spreek... :o... ) door al mijn enthousiasme, golvenpret en steeds te roepen BIG WAVE!!!, krijg ik namelijk meer zeewater te verwerken (in de binnenkant) dan de gemiddelde surfers... shiiiit.... 's avonds wast e heel avontuur op de wcpot (vooral om het zo onopgemerkt mogelijk te houden...).... miljaar... sindsdien roepke nimi big wave, maar nu houd ik wijselijk me mond (en toe) en duik onder de golf... jawel een ezel zal geen 2 keer op de pot zitten en wensen dat er zoiet lik e kurke daje in 'je wit wel waar' ku steekn bestaat...
tot zover mijn beschaamd/intiem gedeelte over het surfen...
aan iedereen e zalig kerstfeest en e gelukkig en spetterend (hopelijk nie lik hierboven ;) ) nieuwjaar!!!! en hopelijk mag het rap ebitje verwarmen vo gieder! Bahahaaaa man man... is da toch geestig hier in de warmte, aant zeetje, schoon volk,... (sorry maar kon het echt nie laten...;P) ma gieder zit rond de kerstboom, voor mij geen kerstgevoel dit jaar, ookal doen ze hier krampachtig nunder best om het zooo kerst mogelijk te laten uitzien door bijvoorbeeld nunder otto's te versieren in rendieren :D, huizen lik in de filmtjes te decoreren met muzieksjes en luchtjes (waarvan daje soms zou peisn daje in e lunapark terechte komt en je pudonozel komt van da gepiep..), enz... man man... ze zien ier stapel zot va christmas! Nie normaal, mo wel charmant :)
om nu nie melig te doen, kga toch wel iet heel bijzonders missn dit jaar... man man... ken der al e hele weke an gepeist en kom zot ak der meer an peisn.... je ku nu peisn, mmm... anne mist:
eur peerd,
eur familie,
scampi
neur maatn,
de kerstboom
bier, jenever,...
ewe... PEEEUUUUUTTT
het gene dak het meeste ga misn is namelijk het kersteten. Miljaar... (en ook ebitje de reste wi, vooral het laatste dan ;) bahahaaa graptje! )
nu ja, door al die mooie gedachten is het weer overstroming in mijn mond dus...(en ik wil dit niet verder laten uitbreiden met alle vuile details tot gevolg...) tot zover deze lezing!
oe ist ginder nog? Hehe is me blog nie te saai om te leezn? Je moet junder nie laatn om 'feedback' (shit ik haatn da woord :) ) te geevn... dus ja... lat junder mo gaan...
dus ja, ondertusn benke van west naar oost gereden... naar Port Lincoln. ke mijn eerste ervaring met het links rijden met het stuur an de verkeerde kant... in het begun wast wel ebitje raar en kluchtig... ke reedn vaneiges eerst rechts en zegt alex, no no no, you ave toe ride on thi otherrr shide ( probeer het het lezen lik ofdat staat, ti zin accent...) e nis ebitje lik borat eigenlijk... mo achter e eindje ist wel ok wi :) ke doen da nog geern :) en...
me portie a geluk stopt mo nie... deze mensen e me aangeboden om e jobtje te doen... namelijk artiest zijn :) ja... da houdt in, schilderijen verkopen. Gistern ek me eerstn dag at en wen ol tamelijk veel verkocht op 1 dag... dus ja :) ti wel schiek... en ti oltijd cool om extra geld int laadje te brengn he... :)
over veel geluk gesprookn... in austraalie eze nie ossa terremak wegen, dus we zijn ant rijden op e gravelweggetje en dien israelier is ant rien, allene, ne rijdt ongeloofelijk rap, en nis nog eki ant filmen met zijn kodak uit het venster. Ik zitn ook van voor en ke zien ol e heel tafereel vor me damme begun sliern, en ja... geweun e groot accident. Dus ke zegn tegn dien alex, ke peisn daje te rappe rijdt... het is hier geen vaste bane... en je rijd nog eki me met 1 hand... dus ja... MO zeg nooit tegen e vent datn te rappe rijdt..... shiit.... al datn zei was: yes yes. Dus achter e klein km, begunt wel ommeki de controle van auto te verliezn... we begun te sliern, links, recht, en e volle 360.
het cammionetje stond nog recht, helaas schuin in de diekkant. (sjase dat ze hier geen beekn hebn...)
ke spring uit dien auto, en der was niet an... ongeloofelijk... me grotste zorg was de banden... we hadden juist e band moetn vervangn en we hadn geen reservers nie meer dusja... int gat van pluto, gn bereik met tel... de dingn adn wel eki serieus mis kun loopn... mo ke zegnt... me pot vol geluk is groot lik ofdamn zegn... :)
dus, no worries mate :)
en lik ofdat alles op min afkomt... de eerste dag dak alene e moetn verkoopn aze me gezeit, ja anne, verwacht er nie tevele va. A je één ku verkopn, da gaat ol goed zien. E ja, ikke doe me ronde, en opt einde van de avond akke der jawel: 6 verkocht :) hehe ze waarn ebitje gechoqueerd omdat goed wa, mo ke weetn dat ezo nie olle dage ku zin. Nu, uze schilderijn brengn nus bi de meest verschilnde mensen. Dien alex at e schilderij of 2 verkocht an e vent en e madam. En we moestn na daar gaan achter de ronde om gewoon wijn te gaan drinkn.
We komn daar toe en kzweer het je, da huis is groter in oppervlakte dan de kerk in krombeke. De mensn die nus ontvingen, jah bere sympathiek en ja ook wel ebitje dronke :) hehe twa wel kluchtig :) nu achter ebitje klapn en doen over kunst, begunt de echte gesprekn jawel, met e paar flesjn wijn ( e wuffern wijn). E ke vraagn tegn dien vent (Ian) wuk datn doet vo job want kzweer et, de dingen die in het huis staan, da was uniek wi... lik bijvoorbeeld e vleugel piano uit de oorlog, kunst die 100 000 dollar weerd is....
e zegn: ' oo, I was producer of several big artists like elton John.' ke wistn nie wuk dak oorde. Ke peisde datn ant zevern was en ke geevn em e elleboge lik va, jaja gie kluchtigaard... en zegtn: kom mo na me entertainment room, ke gaat je toogn. En inderdaad, ne toogt e paar platn en ze name staat erop...
ze vrouwe is dé topchef van australie. Blijkbaar koste da madamtje keiart goed kookn en aze e paar sterrerestaurants at en ol... man man... mo aje da koppel ging zien, ja je ging peisn dat geweune dronkaars waarn. Blijkbaar aze nus stief geern e muchtn we de dag erachter were gaan, geweune vo wijn te drinken en muziek te beluistern.
Vaneiges emme da gedaan... twa keiart schiek enni :) ke uniek beeld en muziek concertn gezien op video, va lange lange geleen... van artiestn bijvoorbeeld lik: Carol King (de deze kendek nie, mo twa nog redelijk ;) ), Bruce Springsteen, en ene Roy orbensen, queen, abba, david bowie,...
bistn damme pool ant speeln waarn mochtn we keiart diere cigaarn smoorn... daarvo ekke vriendelijk bedankt gezeit... want ke weetn de gevolgn daarva :D... en ja, Ian en Suzie gaavn e feeste de dag erachter en ze stonden erop damme ging komn.
Zogezegd zo gedaan... we komen daar toe, we krijgen daar het beste eten, en de gasten, wel lat us zegn dak de jongste was :) de anderen waarn ol politiekers, burgemeesters, en bla bla mensen. Lat us één ding duidelijk maakn... austraalie is qua mode immens achterlijk... ze droegen de belachelijkste jassjes, de gekste kleuren, kortweg alles die NIET tope past. En int begint waren de mensen immens chiqué... en iedereen wit dak daar nie zot va zien van ol da 'hautain' gedoe... dus met andere woordn, zik geweune mezelfn want ke zin ik daar wel gerust in :)
onder tussen ekke met e madamtje begun klapn over peern, zij had nog western gereedn en ol...en zegt ze: der is ier nog etwie met lik 15 peerdn tus, kik ti da madamtje, ke ga ze voornsteln a gie. Achter ebitje klapn, (da madamtje was bere sympathiek) zegt ze: komt gie mornt na mi thus, we gaan wij e toertje doen en erachter e barbie. (das het korte woord vo barbeque, kluchtig enni ;) )
het was ondertussn zondag en jawel, mijn zondaagse traditie werd in eer gehouden... ken e toertje gedaan te peerd, de eerste keer in 2 maand dak op e peerd zit. Het paard was wat western geleerd, ti e heel andere ervaring. Ooo, en het schiekste van ol was, amme ant galoppern waarn op de strate (jap, ze houden daar geen rekening met niets :) ) roept Kathy: watch out for kangoroos! Ik e me slecht gehoor... jah... kat nie verstaan... ke peisde daze zei damme trager moestn gaan of zo... en ommeki springt er e kango uit de boesjes. :) ti were eki etwot anders :) en achter e avond vol gezelligheid met andere maten van suzi en Ian waarn we allemaal voldaan en content... 2 dagn later gaan we verder richting Adelaide!
op dit ogenblik zitke op e bus. De busdriver is italiaans en rijdt gelijk e turk... nie normaal... der is al e meisje reis ziek geworden, hehe zet juist zitten kosten :) pure sensatie ajet mij vraagt! :D
kzou eigenlijk ferm moeten piesen, maar aan het tempo dat die kerel rijdt kuk ik nie piessen wi! Tzou wel eki e freestyle kunnen worden op/naast de pot... en kwil die mens geen overuren latn maakn, want ti e vree sympatieke mens :)
dus ja... over sensatie gesproken, ken were e bitje sjase at! Gistern ke sta in de keukn en ke voel iet in me haar. Lik gewente schuddek eens met men hoofd want der zitn ier massas vliegen... en dan voel ik iets aan de andere kant van men hoofd bij deze schud ik nog es. Op dat moment paknke e mes uit de schuif en voel ik iets vallen op mijn hand. Ke zien daar e spinne (zwart met witte plekken) en ke verschietn zo art dak deur de keukn loop, al roepend: SPIDER SPIDER SPIDER, zwaaiend met het mes in mijn hand, met min andere hand (met de spin) sta ik lik e idioot te wijzn na e indier. Op dat moment smit ik die spinne eraf en ze valt op de grond. Die kerel bekikt die beeste en zegtn: eze joe gebeetn?! Das e giftige spinne! Aze je biet, is er e grote infectie op je vel en valt je vel af. Kwam ost slicht atnt zei... (ergens waarke besjamd dak zuk e lawaai gemakt had vo zo e klein ding, mo atn da zei wast geheel terecht!) ke niets gevoeld en ke nog geen rare plekn dus ja olles onder control!
Die austraaliers hier heb wel e goei gevoel vo humor... jaja ze me ferm bi me pietje at :) ke zin int hostel, klaar om aan te zetten met de taxi, en ke nog e halve pint, ke drink ze uit aan e moord tempo en ke smijt van verre het glas in de vuilbak. Ke ga were na bin om mijn bazaar op te halen en juist akke naar buitn loop, komen er 2 flikn op min af. Zegt de ene: this is the girl... de andere: Yes, she weres the hat. En ne pakt me vaste bi me schouder. Ke peisde i me neigen, ti nie waor he... wuk ek nu gedaan? Ti zeker omdak da pintje te rappe uitgedronkn e he... me gezicht zei blijkbaar genoeg... want dien flik schoot in e lach en zegtn tegn die andere, bahahaha did you see the look on her face? Koste em e schup i ze gat geevn!!! mo twa wel kluchtig :D
vandaag ek e lazy sunday at, perfectttt.... 42 graden, e zwembad, schaduw en e troep vliegen... wuk moet e mens meer hebben?
De wijntoer was ook vree geestig... zen ier het perfecte systeem: je gaat zomaar ergens binnen, je zegt: ei, I want to taste some wine, en voila je mag direct heel de kaarte testen... GRATIS! Jaja... achter 5 van die wijnbrouwerijen, we waarn schone... wen der int totaal zo 7 gedaan, en we zijn eindigd in e choclafabriek... geloof me... aje daar buiten komt, kuje gin nimi zien! Pffff moe en meer dan voldaan emme ton nog e gezellig avondje aant zwembad gehouden...
Ondertusn ek massas fun met de germans, ken ezo were e dom uiteengedaan... we hadden chinees gaan halen en ja, ik a zoetzure saus met kippeballetjes besteld. En opt einde zegt martina: do you have some food left? Ikke: yes, I have 2 chickenballs. Ke moetn nie verteln oe dat nunder gezicht veranderde zeker... dus ja, ke zin nog ossa ant oefenen.... vandaag ek e schoon complimentje gekregn namelijk e madamtje van holland moeste raden van waar ik kwam en ze zei: the UK :) bahahaha zalig ist nie? In iedere zinne gebruikn ke minsten 2 west vlamse woordjes... unbelievable é :D tjah... het toppunt is datter ol enige mensen dachten dak van australie zelve ben :) at da gn compliment is!!! :)
ondertusn moek pisn lik e pony... ke zin sterk ant overwegn om toch nie te gaan in de bus... brrrrr moeder natuur ku soms vreed zin wi .. vooral at de route nie effen is, de bus bika gaat liggen in iedere bocht... shit... die mens begint nu nog eens te fluiten ook... nu vinnek em niemi zo sympatiek... okwey... ke ga junder laatn want ke ga me aan het avondtuur van de pot wagen!
See you later BELGUMGATORSSSS
hoi hoi!
Kweet dat junder tenen ondertussen ant afvriesn zin, wel vandaag historisch moment in australie: he t regent er voor de eerste ki sinds maanden :) de mensen zijn ongeloofelijk content! En ondertusn kuk het historische lijstje aanvullen: het is de eerste keer in heel mijn leven dak e maand op gn paard gezeten heb, laat staan e peerd van dichte gezien... ti toch raar wi... nu ja... dit wordt op de ene of andere manier gecompenseerd met slangen, kangoroes, kamelen, spiders, en hagedissen...
we hebben onderweg gestopt in Pemberton (e stadje waar de bomen hoger zijn dan de kerketoren van krombeke) mooi om te zien..., we hebben overnacht in het gehucht Young sidings bij hippies :) da was toch wel e ervaring apart wi... we mochten blijven slapen bij e koppel die zelf nunder huis gebouwd at, het zag eruit lik e higantische schuur ma twa mooi gedaan! Ze moesten hun water halen uit e grote put, om de drie dagen pompen anders adn ze geen meer, en ze leefden van de natuur. Kortweg 2 mensen die blijven steken zijn in de flowerpower periode, echte hippies!
De madam sharon, was keiart vriendelijk en wou haar verhaal over spiritualiteit kwijt aan iedereen, das nog interessant ajet mi vraagt, mo de maniere waarop dazet zie vertelde, jah.. je koste nie anders of lachn... met e noop geblaas en getoeter was ze bezig ant verteln over 'het hier en nu' en damme na da moment moestn leevn... want dan eje gn miserie. Ti wel waar, mo jah... de maniere waarop dazet vertelde... da was geld weerd. Ze was ervan overtuigd daje iedere dag in de spiegel moeste kijkn en zegn: gie daar schoonheid, gie zi nummer 1!!! over zelfvertrouwen gesproken... ;) hehe
ooh ja, tzou zonde zijn moestek da vergeetn te verteln... zegt ze: je moet nie iedere dag e douche nemen wi, das nie goed voor de geest, en voort vel. Mo azze mi e knuffel gaf amme vertrokn, man man... ka neur bika gezeit: woman, you need a shower!!! in 42 graden en okselhaar tot aan de ellebogen, gaje me nie verteln daje gn kwaad zal hebben van alle dage e goeie douche te pakn!
Meanwhile ek prachtige stukn natuur gezien, schieke beestn... ongeloofelijk... je zal het wel zien aan de foto's!!!
wen ook gestopt in albany en geloof me... ti der prachtig!!! zie fotos!!
ondertusn ben ik in esperance, jaja het is hier zo mooi als het klinkt :) gistern ek de great ocean road gedaan, zo e route van 40 km, jawel met de fiets... akke da geweetn... :) met e mountibike op en nere... en akke zegn dat er e paar kemmelbergn waarn, zik nie ant zevern. Zoals ik al veel wonderen gezien heb, was deze route weer een wonder... het zicht was fenomenaal!!! de oceaan, in vele kleurn blauw, eilanden alom, en der waren special effects: we konden de regen zien in stukken op de oceaan... das toch wel etwod speciaal wi... man man... achter al die heuvels amme ook e plat stik, meer met landbouwers... (vo zoverre daje dat landbouwers ku noemn...) nu, we zien e bende lamas en schaapn staan (zoogdiern die tamelijk aaibaar zin), en aangezien min nood aan een aaibaar dier zeike tegn julia, ei, I will call them! Zat vaneigens leute omdaze zei: They won't listen :) de schape/geiteboerinne die in me zit (vreeeee diepe...) kwam na boven en ke gebruikte mama's magische woorden: KOM BETTE KOM! Ol die lama's en schaapn draain nunder omme en achter nog e paar keers roepn waarn ze daar in e galoptje :) hehe jat julia neur hoofd eki moetn zien :) bahahaaaa!
Achter e foto sessie met die beestn emme naar het pink lake gewist... (de grotste ontgoocheling ooit...) we moestn normaal gezien e roos meer zien, ewe, het meer was er, maar het kleur ontbrak... blijkbaar door chemicalien va plaatselijke boern... tjah... vo mi was da e plas water lik de andere... mo twa wel schone... we waarn te moe om foto's te trekn... nus gat deed zeer.. nie normaal...
nuja, wan beslootn om s'avonds na harry potter te gaan kijkn, ma eerst emme ebitje foto's uitgewisseld, jam, we zitn in nuzn kamer (eigenlijk ist lik e kot want der is precies e meter plekke tusn de 2 stapelbedden en jawel we slapen er met 4...) de stank was nie te harden want de andere duitste mensen (jongen en een meisje) deden nooit het venster opn... shhiiiiitttt... ommeki komnt dien gast binnen en e doet zin schoen af... kzweernt ... ke peiske dak e attak kreeg op mijn luchtwegn... ka em bika gevraagd om ze were an te doen en datn ze ging aanlatn vo te slaapn ook want ei, maredsous kaas kut daar zelfs gn lap an legn... pfff ken ton mo na buitn gewist en arme julia achter gelaatn mo ke peisde echt dak ant stikn waarn en min neuze ant verbrandn was...
ken nog noois e gast geweetn die in het onderste bedde lag die ezo stinkt... kan em bika min champoo aangeboodn... miljaar... zukke mensn zo ze moetn verplichtn om nunder 3 ki daags te douchn!!!
nu ja, julia en ik zin ondertusn met pijn in het hart, gesplitst omda we elk nuze eigen weg moetn gaan... zie moe naar huis, ikke verder... kreis verder met 3 andere mensen in e busje (eindelijk gaat mijn droom uitkomen) :)
Het zijn:
1 jongen van frankrijk manu (jawel hij woont aan de andere kant van de panne :) ) de wereld is toch klein e...
1 meisje va frankrijk aurelie (va lille :) en ze kent min streke :)
Dat is hetgene wat ik gezien heb, alle ja, meer een grote aanverwant, maar in mijn beleving ist nog altijd e vis...
deze keer ist veel in een keer, wegens geen internet en talloze woestijn avonturen :).....
jaja, 2 weken geleden (zondag) heb ik dus mogen gaan duiken in dat Great Barrier Reef. Normaal gezien gingen we gaan duiken op zaterdag, maar we hadden het probleem dat dorien niet mocht duiken doordat ze op e vragenlijste ingevuld at daze astma heeft gehad.... blijkbaar belangrijk of zo... tjah... die vragenlijst... hehe kvond da toch wel ebitje grappig. Der waren vragen lik:
-do you have something on your brains? :)
-did you drink alcohol in the last 8 hours? :D
hehe natuurlijk ak geen alcohol gedronken... :) ka zelfs zo voorbeeldig geweest om keiart vroeg te gaan slapen want ke wou daar toch met volle teugen van kunnen genieten. Nu ja, we moestn daar om 7. 30 u zijn (wuk da verdikke vroeg is...)
dus, ik ol hele enthousiast en de mensen in het busje zullen het geweten hebben... ewe, achter het invuln van die lijste mocht dorien nie tenzij ze een certifcaat of zo ging gaan halen bij de dokteur. Ofwel moeste ze content zijn met juist te snorkelen... wen da ton nan dokteur gewist en ze mocht!!!!
we hebben de zaterdage heel de dag aant zwembad gelegen en ja ja, mijn kleurtje kun je nu wel vergelijken met Halle Berry! Maar we gaan vo nie minder of e Naomie Cambell he... ;)
nu zaterdag avond waarke lik int heel nie moe, maar we moestn de zondag dus gaan duiken en olles was geregeld :) maar ik wistn gn blijf me me energie, dorien wos ol gaan slaapn en ik en ton nog met e paar vree coole germans, australiers en iemand van nog etwaar wuk dak ol vergetn zijn, ebitje gezellig zitn drinkn en de drank was gratis dusja... ke moetn der nie vele bi zegn zeker... e paor gezonde jonge zieln... tope de zaterdagavond... jah... das vragn vo miserie de zundag he :D
da wos toch wel ebitje minder schiek da opstaan, vooral het feit da me kop lik gezwolln was... jat da eki moetn zien... de blik van dorien zei genoeg :D
tjah, we zitn were op die boate te 7.30 u en ja were die idiote vragenlijste... hehe :) lik ofdak ier bovn ol geschreevn a: did you drink alcohol in the last 8 hours? Met e grote overtuiging ek e kruisje gezet bi NO :) hehe jah... teerste dak geleerd e ak ging verder studeern va me maat jessy wa: regel nummer 1: regels zijn der om te overtreedn :D dus, loyaal lik ofdak zi....
Tkan nu raor klinken mo woske content da dorien nie mocht duiken de zaterdag!!!! omda we nie mochten meegaan zaterdag, kregn we e 2de gratis duik :) whieieieieieieeeeee
twa dan tid vo de eerste duik: we moestn nus gereedmaakn, eerst kregn we e uitleg van toch wel e dikke 40 min... shiiiit.... ke voelde me were lik int schole... en weten dak nog nie hele wakker waarn , met pudogen en een gezwollen kop... sjase dat er daar e paar chinezn zatn die er de noegaballen van verstonden... die kerel lag het dan iedere ki 3 x uit dus akket toch wel eki gehoord... :D
jah, japanezn, koreanen,... kortweg olles van ol die kantn of oltijd e kodak in nunder handen et, da is etwod om slicht va te komn... geef me welgeteld 5 min bi die kerels en ke maakn der susi va. Geloof het of nie... ze hadden zelfs ol e kodak mee int water... :O vooral ton e meisje (japanees) verre ant verzuipn was omdat die tuit nie goed in neur mond zat... ongeloofelijk maar waar, mo twa nog steeds van: take a picture, take a picture... (tot zover hun engelse kennis...) mannekes... da bika nunder gewichtjes ofgedaan en nunder veste opgeblaazen... man man...
maar wuk dam dus ondert water zagn... ku kunt nie ollemale beschrijvn... zo schone!!! die kleuren, die verschilnde vissn, die koraaln,... nie normaal!!! kun ik gelovn daze ier in austraalie goed vo nunder land zorgn wi... ke ondert water gn foto's kun trekn omda me kodak nie waterbestendig is, mo je moet mo eens in hoegel opzoeken: great barrier reef ... alles wat je daar ziet, ek gezien :)
iedereen wit ondertusn dak gn zot ben van olles die poten en oren heeft int water... ent eerste dak zagn akke overn boord keekn waarn visn de groote van autobanden! Teerste die in mij opkwam was: F*CK moek ik in da water???!!! achter ol dien uitleg en dien tam tam... zatke der tusn zonder dak het goed e wel wistn. Ti toch e ervaring apart wi ol die visn rond je hoofd... het ergste is daze int heel nie schuw zijn...
ol bi ol, twa toch machtig dak daar ezo rond ant peddeln waarn tusn vree schieke dingn... ti e wereld apart, en twas beter dan daze tonen in national geographic! (buiten dan de chinezen die overal op en tegen zwemmen en lelijk in je route zwemn...) ke meer moetn opletn dak gn zwemvlies in mijn oge ad van zo e chinees dan van die visn...
De tweede duik was nog machtiger, wen tot 8-9 meter diepe gewist... men oren waarn daar wel nie zo content mee... mo de fauna en flora was nie te schatn! Der waarn visn in de zotste soortn kleurn, modeln, ...
int were keern waarnke zo content dak van voor op de bote gestaan e terwijl er massas hoge golvn waarn en we gingn eigenlijk ook redelijk rap (twa e zeil boote)... met me blik op oneindig, met één been vooruit, een hand aan de rails en de andere aant touw, voeldek me lijk captain Jack Sparrow va krombeke! Kortom e machtig gevoel!!! tot ... jawel... er een veel te grote golf splashte tegen de boote en der stond weer massas water in de kelder... je koste me bika uitwringen... :) tot zoverre me machtig gevoel... :)
achter ol die schieke dinges, moetsn we gaan naar Broome. Das e stadje heel an nandern kant vant land. Wen e heeln dag moetn vliegn tegn damme daar waarn... pfff die vliegers beginnen toch lelijk mijn strot uit te hangn...
we bleven daar mo vo één nacht en één dag omdam ging vertrekn op tour met e organisatie.. ma ol de tijd dam hadn, ging we nuttig besteden! Aangezien we an de andere kant vant land zatn, wast 2 uur achteruit en degene die me goed kennen weten dat ik orde, stiptheid en netheid mijn ding zijn... wel, ka ofgesprookn me dorien dak te 8 ging opstaan, wel ka vaneiges vergeetn dat 2 uur achteruit was... jawel... welgeteld te 6 waarke uit min bedde, (ke vont ol raar da dorien nie wou opstaan... want zie is ossa de eerste...) dus gingke ant strand wat wandelen... twa ol lik 30 graden, volle bak zonne, aje ging zegn: anne ti nu 12 u, ke ging het gelovn... nuja... achter e duik int water en wat bezinning komt dorien ommeki tegn en zegt ze: ewe waarom was je gie zo vroeg op? ... ja ton viel me frank...
dien dag emme ton na e krokodille park gewist... ja wadde... da zin ongeloofelijke beestn, mo ke zou noois gin in mijn hof moetn hebbn wi... sh****t.... ken der gezien va 5 meters lank, die beestn zin ongeloofelijk loom (ze bewegen nie, het zijn lik beeldjes want ka bika e kroko gepord om wel te zien ofdat e nechtn was) wel don't try this at home... , gevaarlijk wi, en ze zin rapper dan daje je ook mo ku inbeelden... je gaat da wel zien op de fotos :) hehe
Het schiekste van ol was dak e baby krock heb mogen vasthouden, als die mens da zei waske ol were ant rondlopn lik e kieksje zonder kop want jawel, da was SENSATIE!!! je zou peisn olles die baby is of kindje is, dat da schattig is, wel da is ton uitgezonderd kroks wi.... miljaar... die mens at eentje mee, twa e schiekn, mo aje ku peisn dat zijn bek toe gebonden moest worden, jah... da zegt genoeg... je zou ezo ol moesjie moesjie doen en e vinger of 2 kun kwijt zijn... en akke em vaste hadn, wel de krokodile dundee kwam hele gans omoge in mij :) hehe
Voor al de gene die denken dat ze alleen maar in egypte kamelen hebben, wel PUUUT! Ier en ze der ook en me paardegemis kwam omoge dus.... wen aan kameldrive gedaan!!!
Mijn eerste indruk van die beesten: da zijn verzekers de lelijkste beesten dak ooit gezien e... in mijn ogen zint lijk veel te groot uitgevallen geiten. (want ze rieken ook naar geiten) :D ik kon het natuurlijk nie latn om moesjie moesjie te doen met die beesten (kan ol bika e maand geen aaibaar zoogdier gezien dusja...) de foto's spreekn vo zich... :D
het gevoel dak a op dien kameel: jah... da opstijgn en da nere zitn is eigenlijk het sensationeelst... anders wast lik op e peerd ... dus ja... ma twa eki schiek :)
we moestn were vroeg op om mee te gaan met dien tour... de tour gaat van Broome naar Perth. Van noord naar zuid. Kortom heel de westkust in 10 dagn. Das goed vo e 4000 km!
Ka vaneiges geen zin om vroeg te gaan slapen... dus ekke gezellig met Charles ( e jongeman uit londen) e paar pintjes gaan drinken ent twa ol rappe duidelijk dam goed overeen ging komn at ging over drank :)
Ke ga kort de paar dagn beschrijvn want anders gak junder begun verveeln... :)
wen de eerste dag heeln dag gereden... (vree spannend.... )
we kwamn toe int nationaal park genaamd Karajini. Prachtige natuur!!!! der zijn maar 4 dingen die we erbij moesten nemen en da was:
massas, wuk zeggek, eindeloos keiart rood zand. (lik op de rode berg maar nog erger... met andere woorden, je krigt da nie uit je kleers... )
de temprateure was mo 40 tot 45 graden...
ongelooflijk vele vliegn... ze kropen, zaten overal. Lik in je ogen, oren neuze... je zou er zot va komn... en vandaar de australische handwave :)... ke weetn nu exact oe dat e peerd em voelt in de zomer....
als de vliegen verdwenen waren snachts, ton wast aan de muggen... en de muggenbeten en de groote van kleine pannekoeken :)
en de komende 5 dagn kostn we nie douchn... :D
gif toe, at da gin super combinatie is... :D jah...ke moetn nie verteln oe dak deruit zagn achter die dagn he... laat staan de geur :D daarmee... Deodorant is en blijft de beste uitvinding ooit!!! ke waarn ondertusn nog meer gebruind (althans da peisdek want ke waarn heel rood van da zand... :) )
maar ke meugn nie vergeetn te vermelden da dat tot nu toe de beste dagn waarn van heel de trip. Ken natuur gezien, man man nie normaal.... en omda we moestn ofkoeln en toch wel dingen bezichtigen int park emme massas gorges bezocht. E gorge is e gigantische spleet in de grond waar er natuurlijke pools aka zwembaden met waterfalls en jawel het mooiste water ooit... zie de foto's en je zal me begrijpen. We klommen naar beneden over rotsen, door riviertjes, we passeerden gevaarlijke beesten bijvoorbeeld slangen, kevers, vleermuizn (extra large...) je moet hier alles int groot zien.... :D we waren allemaal gewaarschuwd voor vergif en bijtende dieren.
In austraalie is de grootste doodsoorzaak 2 dingen:
gif en infecties van beten van dieren/ planten
je geraakt zeer gemakkelijk omvergereden van e auto :D
jawel ze rijden hier als turken! Nie normaal... en ze rijden hier dan nog eens aan de verkeerde kant nogmaals een uitstekende combinatie :)
dit even terzijde... de gorges waren prachtig!!! gewoonweg ooguitpuilend en immens verfrissend... dit waren onze douches... jawel 12 stinkerds in da water... vree gezond kon het toch nie meer geweest zijn achter dat wij daar geweest waren :D
we moestn oltijd alert zijn voor ieder soort beest. Al wast maar e bende domme koeien... als de vliegen eindelijk verdwenen waren toen het donker was, jah, dan was het aan de muggen en de slangen, toen de zon nog niet op was, waren de vliegen er weer... met andere woorden, we waren altijd bezig.
Om junder e beeld te geven van de kleine schattige slangetjes, ja, de soort die we meest gingen tegen komen, was een hele giftige... jet welgeteld e uur nog te levn zonder tegn gif. Dusja... genoeg info om het spannend te houden :)
om het nog wat strakker te maken: we sliepen gewoon op de grond in zakken genaamd 'swags' en jawel, je kon er nu en ton es een snake tegn komn.
de bende waarmee we op toer zijn, is machtig :) een korte schets:
3 canadezen ( 2 jonge gasten en 1 madam van jawel 62 jaar :) )
2 duitse meisjes
1 zwitsers meisje
1 chineezzzz meisje
1 tawainees meisje
2 jonge britten
en jawel 2 belgen :)
raad eens wie mijn buddy op de tocht was? Hehe :)
....
..
jawel viviane van 62 jaar :) hehe ke nog noois zo e cool madamtje van die leeftijd ontmoet. Een korte beschrijving: ze doet waar ze zin in heeft en trekt zich niets aan, praat op iedereen terug :), et e gevoel vo humor (nog vele beter dant mijne :D) en ze gebruikt minstens 4 x woorden als F*ck en Sh*t in één zin. At da nie schiek is :) kortom crazy in the coconut :) hehe e korte schets oe daze is:
ze reist de wereld rond in haar eentje, et maten over heel de wereld, zwemt met haaien, doet de zotste dingen, gewoonweg olles wat e normale grandma NIET zou doen. :)
At da nie schiek is... how ja... oevele gaje der tegn komn? :) zalig ajet mi vraagt :) dus ja... ondertussen is de tocht machtig, veel ambiance, goede sfeer, wen gaan snorkelen, veel naar stranden geweest, eki e vrije dag gehad, wilde dolfijnen gezien... machtig...
ke zin e grootn held at gaat over onderwater dinges... jaja ... amme ant snorkelen waarn waske bi viviane, e ja, iedere ki at er etwod schieks was voeldek ommeki vivi trekn a me broek en ze was ant wijzen lik e zot... :) vree handig want met mijn 'fijn oog' kiknke meestal over de schone details... za wel vele macht wi... :O ommeki was er daar e haai van lik 2 meters lank en kan em vaneigens nie gezien, je ku gaan peisn daze lik e zot a me broek snakte :D shit, ka verschootn toen dak die beeste zagn, en we volgden em, en ommeki wastn lik weg. Ke duikn na e steen omdak peisde datn daar weggezwomn was en ommeki zwemt die beeste uit zijn hol rechte op min of, op lik e meter van ik... shitt... direct e liter of 3 zee water in me mond... kzwom na bovn, ol hoestn en proestn, vivi plat vant lachn, ... jaja ka da ook were meegemakt... oog in oog met e reef shark... geen zorgen, ze doen niets zolange daje ze nie ambeteert :D
lik ofdak ier boovn ol gezeit e, je raakt ier gemakkelijk vergiftigd en we moestn opletn vo bepaalde beestn. Ke waarn ebitje ant chiln int water met vivi en ommeki zwemt er e redelijkn roggevis tusn nus en zegt ze: ja, aze plekn op nunder rik e, ja ton moeme opletn wi, je zi lelijk de peanut aje e stek krigt van die beeste. Ke ga eki kijkn wuk een dat is.
ze koste em niemi vinden en zegt ze ommeki: let's get out of here before we're screwed :) ke verzekers nog noois zo rappe geloopn. Het zicht wa verzekers hilarisch want ke liepn lik e eende want ka me zwemvliezn ame voetn, en e duikbril op me kop waarvan dat de snorkeltuit immens tegn me kop sloeg :D elegant is anders, nietwaar?
Dusja, wen ook mogen gaan kijkn oe daze dolfijnen voerden, op zich nie zo spannend mo twa eki schiek om te zien oe dan die beestn zijn. Ze piktn nu en ton iemand uit om die dolfijnen e vis te gevn, en bi de latstn vis, duidde ze mi an en ken die vis e vis mogen geven :) twa schiek :) met het enthousiasme van e klein kind int water en verwonderd van die beestn waske toch wel ebitje ondern indruk wi :)
later opn dag emme echt schieke ding gezien namelijk massas hoge golven en ja lik op tv: uit de golven sprongen er e hele troep dolfijnen. Da was e bitje e machtig zicht!!!! jammer da me kodak ongeloofelijk trage is mo ja... twa e kiekevel momentje :)
zen ier echt alles... witte stranden, stukken strand die roos zijn, stranden die bestaan uit juist massas kleine schelptjes... nie normaal... ti zotter dan de meeste natte dromen ;)
nu zim bijna in Perth en ke ondertusn e voorstel at de 2 duitse meisjes om mee te gaan met nunder in e busje om rond te trekn an het meest zuidste punt van australie. Hierbi kom ik bij een belangrijk punt van de reise: dorien en ik splitsen. De reden is vree simpel: we verschiln veel te vele. En soms ist beter daje ton andere oorden opzoekt he... dus ja...
the trip goes on, just me and my backpack. (en e paar coole duitsers :) )
greetz ikke xxx
Dag beste sneeuwwitjes!
Mijn reis gaat steeds verder en ik moet toch wel toegeven dat ik vree gelukkig ben omdak besef dak e schitterend leven heb! (nu houd ik hout vast....) alles loopt van e leien daksje, het is lik e puzzel :)
e paar kleine voorbeeldjes om junder e beeld te geevn:
normaal gezien wistek nie wuk dak ging doen achter de 10 daagse toer, wel de 2 duitse meisjes vroegen me om mee te gaan op trip door het zuiden voor nog zo'n 10 dagen :)
Perfect ajet mi vraagt :D
ke ondertussen ol de liefste mensen ooit tegen gekomn... nie normaal!!!
ken adresn at waar dak ossa terechte kun (vb. Canada, duitsland, zwitserland...)
ke gistern ook were e brokke sjase at: ke zochtn nog e maniere om achter de 10 daagse trip verder te reizn na de andere kant vat land, ma ka geern gewist met e auto... mi kende, ke kikn daar maar voor de dag voor dak alleen ben, wel lik ofdat geluk mi toelacht: zegt er e meisje gistern: we zoekn nog etwie om mee te reizn na melbourne. BINGO! Hehe ke were niet moetn doen va lastig zoekwerk en ol :) ke moetn wel toegeevn dat de gitaar mijn voordeel is wi :)
ke zin omringd door machtige mensjn...
ke zin schone bruin en ke zin rost!!! (jawel isolde, zen ier iets daze in belgie nimi maakn ;) )
en nog e schoon staaltje: ke ga vanmiddag wijn gaan proevn in alle soortn wijngaarden! Wheee en da gratis!!!
at da nie schiek is... ke wou al nandern kant daje gieder da ook koste meemaakn en zien wuk dak kik ier zie... sommige dingn zi nie normaal, ongeloofelijk schoon!!!
mo ja... :) ondertusn kuk nog e paar kluchtige dingn verteln... hehe met andere woordn, iet dajunder moetn weetn :D
mijn engels, jah... ke oorn van de aussies dat pretty good is, mo aje oltid tope zit met e nest germans, jah da elpt ook nie ossa :)
wuk dat er ook gevaarlijk is in mijn engels is at bijvoorbeeld 'laat' wordt, of ak vree enthousiast begun klapn. Toene is de kanse zo groot dat er in mijn vloeiend engels, enkele schone westvlaamse woorden te passe komn... :)
ke ga nu e poar voorbeeldjes va me westvlams engels up schrivn, en je moeie nie inhouden va lachn, kent ik ook nie gedaan! :)
charles: anna, what's the time?
Ikke: aaa it's a quarter eiter eight... (kart achtern nachtn)
martina: anna, what's that in your hand?
Ikke: oohhh that's my picture taker! (koste were het woord vo kodak nie vinden...)
mama toogt op skype noodle ( me nieuwn hond) en ka zo e goeste om em vaste te pakn en te knuffeln: en ke zegn luidde: ooooh ke zuk e goeste om moesjie moesjie te doen met die beeste!
Der zitn e paar duitsters rond ik en ze kikn ongeloofelijk geschokeerd an ik (lik ofdazet en oorn dundern en in keuln :D)
en achter mijn skype moment zegt er een: anna, what did you say about the moesjie moesjie thing?
Ke lei da uit van mijn hond dak em wou knuffeln... en de duitsers beginnen ongeloofelijk te lachn. Ke zegn: 'ei, whats wrong with that?'
ol lachn zegt ze: witje gie wel wuk dat dat wilt zegn int duits?
Vaneigens wistek het nie...
en zegt ze: bahahahaa it's a vagina :)
jah... ke moetn je nie verteln oe bloot da is... en raar maar waar: iedere duitser waarmee ik een tijdje optrek , komt naar mij en zegt: anna, let's do some moesjie moesjie! :)
om nog zulk iets op noemen, iedereen heeft e bitje e 'bad person' in em: wel, aje met e noop buitenlanders samen zitn, is talenkennis interessant. Hehe de duiters wistn nie dak goed e wel duits versta :D das nog e bitje leutig wi :D hehe (daarvoor dank meneer pectoor :) ) mo ke mezelfn ol verklapt... ze waarn ant lachn met etwie en ke zaatn an tafel te eetn me nunder en ze kreegn stilletjes an de slapn lach. Wel, ka oort wuk daze gezeit adn, (tging over e hele dikke :D) en ke keiart begun lachn, en ke maak nog e graptje ma int engels en ze kikn olle 3 geschokeerd va eje gie da verstaan? :D hehe
nog zuk e twot... iedereen leert iedereen op zijn minst santé zegn in zijn tale dus... de ene keer ist: prost, cheers, santé,... mo wuk is gezondheid nu op zijn west vlams?...
hehe om het simpel te houden (want ke zin nog ossa e simpele duive...) : up je mulle!
Bahahahaa je zou ze da eki moetn oorn zegn :) hehe at da nie schiek is...
(en nu mo hoopn daze gn andere belgn gaan tegn komn :D )
de meeste mensen die me me reisn ken onderttusn 'the belgian song' aka tom dice e zi gitaar :)
ze zin der weg va :) jaja belgie is toch meer dan e land zonder goverment... bij deze kommek nog bij de schok van de dag: komn e poar dagn geleen e paar nederlanders tegn: aaaahhh je bent van belgie? Mooi is dat! We kunnen binnenkort zeggen dat jullie bij nederland horen! Jaaa wat zou dat toch tof zijn!
Met olle goeie intenties en bedoelingn wi... mo mi mage kromp tope, thaar op mi rik stoeg rechte, kverslikn me bika,... mo olles buitn da wi!!! ke koste daar eglik nie mee lachn wi... de germans verstonden nie dak daar zo mottig over deed: kent vree simpel uitgeleid:
ti lik eetn, ek in zin bak! :)
bij deze ek e paar charmante details verteld...
ke ga ebitje wijn gaan proevn!
(me duits zal haast beter worden dan mijn engels :D)
Abu dhabi
Ikke bij de penisboom 
!
Mijn 1ste kangeroo
The hulk and captain George
