hanebatse vanoêt den haneshop en gebakke petatte met prötsh . t'is der aan te zeen det mien vrouw vuur de middig instong vendaag . dïj hanebatse die gingen nog metvalle dach iech mer det waas boëte det menke geriekend det vuur mich aan den hinnekroam sting met waarschienlik zn bomma , denk iech . ze waas toch al hiêl berumpseld in alle geval . de kos zelfs het vershil neet zeen tusse ene gegrilde haan en het lepke vel in heure decolté . mer genog uuver diej vrouw want die how et waarshienlik alzwoar genog in't lieve want die waas auch nog duif aan twie kante tiggeliejk. ziej waas den auch den innige waat neet boegeerde op det rotjonk z'n gezég . en aangezeen deste anger kinjer gein sléég moegs gieve hub iech me kruis 10 miniete gedrage en trukgedach aan den tiejd det iech zelf zoe waas , of nog erger . iech waas zoe irritant det es mien ouwers miech geine bifstuk rond miene nak bonje det zelfs den hond neet met miech wouw spuule . later oppen oavend wiej miejn vrouw bézig waas met de kersbuum op te zette noadat iech det kreng binne gesleurd haai ( de buum ) en zich een hampel noalden zich op onverkloarbare wijze ziech in mien ongerboks houw genesteld how iech d'r genog van en mijmerde iech trük noa miene kinjertiejd . iech zat het contrast van den tilleviesie zoe det eederein ene greune kop hauw en verstopte den daafstansbedening viertien daag en met sinterkloas vraat iech alle sokker van de niknakskes aaf en lag de res trug . en vendaag pak iech dén droad op . iech ben noa boete gegangen en iech hub mien vrouw heur kerslempkes zoe-als doa zeen een 24-koppige rendierformatie met arreslee van 6 op 4 inne betong gegoete en een 400 méter lange kerslampbuis int greun uuver me daak gespanne . en iech loat het nondedju tot volgend joar september branne. en det te bedenke det es iech gwuun fetsuinlik middig iête hauw gat dat dit allemoal neet nuudig waas gewést . t'weurd tiejd det meurge ederein weer op z'n vertrouwde plaats stuit . iech inne kuuke en ziej langoet en zonger gevoar vuur de wéreld in heuren driezit . want denk d'r aan: waas te zelf duus , duus te miestal omdet den angere der gein gosting in hauw .
waat hubs te nuudig vuur véér man en ene pèrdskop .
de Lezanja *************************** 400 gramme bloom ( soert OO ) 4 eikes drûpken olie klein zweij zout (good mengele ôngerein tot e shoen bôlke en loate ruste in e folieke inne frigo )( pak een hawf oor)
het kauwf *************************** pak e gebroadje van ongevier 1.2 kilo een poêt e speer selder een un get witte poer
de saus *************************** 2 pekskes panna funghi (room op smaak gebracht met ingbiegelkesbroêd des te vunjs bj den intaliaan ) een klein klatsh witte wien. gooi shampiljoengs van et moment enen hawve kilo (gein gewuun witte want det smaakt noa niks ) een sjalot buljoeng van ut hiejboeve beshrieve kauwf. citroen en peterselie en nôw beginne we d'raan
leg de stukske kauwf in een kom en shik doa de poêt , selder , en poer langs . zet de gebroadje hawf onger water en geet er get olie uuver en pieper en zout. vlam den sjoetel now een dikke twintig minuute in ene vuurverwermden oêve van 200 groade . hoal hem ( het kawf) d'r oêt en loat aafkeule . es er aafgekeuld is sniêjs de det kauwf in hiel dun shiejfkes. det kan geine koad es det nog neet gans gaar is .
we pötse de shampiljoengs zn snieje ze in 4-en . maak een pan good heijt en klats doa een klats gooi boeter in . bak , kort mèr hevig ( wiej een gooi buurt ) de sjampiljoengs aan . pak den sjampiljoengs oet diej pan en zet ze aan de kant . bak in diej gebruukte pan den shjalot en get lôôk glazig en goej er dan die klatsh wien in ( esse diej tenminste nog neet zelf oêtgezoepe hubs van den dôes) den pan is now geblust en het aanbaksel is van de boejem ( van de pan )losgekoeme . doog d'r aug nog get beljoeng van het kauwf biej en loat inkoêke. now duus te d'r die 2 pekskes panna biej en auch det leutse weer inkoêke. preuf aaf en tôw eens van den saus . zout hubs te neet nuudig , zwarte pieper waal . doog d'r op et leste al de helft van de sjampiljoengs bij en gesnipperde peterselie.
en now denne pasta . stiejk met een dresseer-rink sjoen cirkels oêt d'n lezanjavelle en koêk denne lezanja gaar in koêkend water . ( een minuut of 3 à 4 ) loat denne lezanja oetdruppe op ene zuiveren handdook ( dus neet den handdook boe des te diene zweit met aafgeveegd hubs den hielen tiejd ) pak den vuurververwermde tejjers out dennen oêve en begin te dressere
e leugske saus met get sjampiljoengs , e velleke lezanja , e sjiefke kauwf en zoe mer wuujer . dresseer opet leste aug nog get chapiljoengs boeve deruuver en werk aaf met fijn toefkes saus , citroen en olijf-oeli . doog den best vuur der get shoens van te make .
véég denne zweit aaf, doog diech denne shollek oet en zet diech samen met de kamereuj aan tafel op den lui kloéte .en es dien drinke op is reup ze dien vrouw inne kuuke vuur een now fles . ofwaal bringt ze diech diej ofwaal kriegst te (terecht volgens sommige ) een klatsh tiegen den oere . alez, houwt uch verreks goot en tot inne wiejk . thomasz bushinski
