Verlei week kwam do enne technikker be men ma een nieve dampkap steke. Het gloas was kapot en da masjin mokte vuil te vuil lawèèt. De goeie man aa da spel al aat de kast gehoald, toen ich e brifke zak steke. Naaskirrig as ich zin, namp ich da in men aan en begos te leeze. Het was e brifke da al joore verstopt zat in een spleit van de dampkam. In da brifke aa enne man ze beklag gedoan uiver zen vrouw (al uiver de sistig skreif de man), in de beginjoore 90 de 'huwelijkse trouw' nè zoe naa genboume aa. In dee brief vertilde de man oan zenne zoun da de klieremeeker wol ens lengs de pot kwam pisse. Het moet dee man doaning gekwetst hebben, want zoe enne bicht dut dje nè zoe mar. Doo gie e gebrouke at oan vuiraf. Ma vruug huir al af wa se be da brifke mos doen, want het zin eigentlèk oos zoake nè. Dje wèèt toch, zonder da dje da wilt, be doer snaat in de zoakes van imand gedaat. Da brifke weggoeie voenk ich dan wiral spètig, want dee'n erreme sukkeleer ei zen at bloeët gegeve. En miskin och een ôt getsjinkt. As nimand het nè zag. Wa ma na be de brifke gedoan ei, ich enne weite het nè. Na hebbe fe wol wiral iet moe fe nog joore uiver goan koenne klappa. Aat oeg en tot ien van deis. Ann
