Men eerste euhm, hoe heet dat weer, 'submission' (sorry, kan niet op het woord komen in het nederlands :p). Kzei al langer dak een blog ging starten (in mezelf) en nu ist er eindelijk van gekomn. Hihi, benieuwd wa voe e reactie dak der gon up kriegn. Nja, anyway, voe de eerste dinges (ke kun der nog altij nie upkomn) eek nie veel te melden.
Alhoewel, juste 1 dingje: goeje mensn bestoan nog in de wereld :) Dunderdagavend stonnek in de rij aan te schuiven in de GB en khad lek nog e kart tied voe na de bushalte te geraken. En der stond doa een oed madamtje voe me me ne zak of 2 vulgeladen. En ze kiekt achter eur, en ze ziet me staon met die cursusblok en e stylootje, en ze vroeg direcs, moej nie voorn? Jet toch nie vele mee. Kzei eest van nah, keen nog tied ze. Mo ze stond er echt up e :) Ewel, das nu eke e madamtje dak nie rap gon vergeten se :)
